Home Cultura Drecha Cas di Cultura lo por costa entre 25 y 30...

Drecha Cas di Cultura lo por costa entre 25 y 30 miyon florin

209
0
SHARE
- Advertisement -

ORANJESTAD   (AAN): E inversion preliminar den Cas di Cultura ta entre 25 pa 30 miyon florin pa por dreche. Ta pensando tambe durante e formulacion di e edificio, riba maneranan duradero, pero tambe eficiente cu por ta duradero.

Ta pensando riba un edificio cu por bay mee ora cu e wordo bon manteni, 30 pa 40 aña idealmente, locual eigenlijk lo tabata e caso pa esaki.

Segun directora di Cas di Cultura, Vicky Arens, den e dilema di ta un fundacion pa sirbi comunidad, tin cu mantene e edificio. No a put up suficiente pa haci mantencion grandi.

Ta conciente tambe cu tempo a hunga su rol y e tipo di santo cu a wordo uza e tempo eynan. E ta un combinacion di factornan, pero no por bisa cu a carece di hopi mantencion tampoco.

Stichting Schouwburg semper a lucha pa tene e portanan habri y ta algo pa ta hopi orguyoso di dje. Pero mester tin un plan bon in place ora un edificio wordo construi siguramente.

Segun Arens, tin 50 pa 60 porciento ta subsidio di gobierno y e otro parti ta bin di huurmento di sala, cual un tercera parti di esey, di e parti cu nan mes ta genera, ta bay na utilities. Esey ta mas of menos un 100 mil florin. Semper ta draai entre 3 y 4 ton.

Mester cubri tur overtime, mester cubri cosnan di oficina, om de haverklap cosnan ta kibra. Si un airco kibra, ta un 25 mil florin. Como Stichting no ta resta extra pa trabaonan grandi cu kisas mester sosode.

A papia di un timeline berdad entre Monumentenbureau y Theateradvies y a bisa cu tumando e aña aki pa termina e draft, otro aña y e aña despues, mita pa fundraising. Despues tin un aña pa pinta. Esey lo suma na un total di 4 aña di comienso te na final. 2021, si tur cos cana optimalmente, Cas di Cultura lo por ta renoba.

Lo por tin fondonan di desaroyo, segun Arens, cu lo por handout di e manera aki. Esey ta un cos cu tin cu bay investiga.

Na Hulanda por a mira cu ta netamente e gemeentenan cu den cual e teatronan ta situa, ta paga mayoria di e costonan eynan. Claro nan ta pone den un forma di afbetaling, estilo SOGA. E teatronan tambe tin cu draai masha duro mes pa make ends meet.

Aunke nan tin edificionan nobo, bon mantenimento, pero nan mester bay pe. Por pensa por ta den e direccion eynan tambe, hunto cu Gobierno, ta  habri pa esey. Sa si cu ora esaki a wordo construi, un tercera parti a bin di eilandgebied Aruba.

Un tercera parti a bin di Lago Oil & Transport Co. y e otro a bin di Koningklijk Scheepvaart Maatschappij. Tabata un colaboracion e tempo ey y no ta descarta cu e biaha aki e lo mester ta e mesun hecho.

E sala en particular tin cu modernis’e, tin cu haci’e solido di nobo. Ampli’e tambe. Ta soña pa crea un balcon y ta spera cu esaki ta realisabel. Pa en total tin casi 800 stoel. Banda di esey tin cierto cambernan tambe cu lo ta estilo breakout room.

Manera cu tin e expozaal, pero un tiki mas grandi y paar mas chikito acerca. Toch ta ripara e peticion pa mas espacio pa diferente tipo di proposito. Tin cu pensa riba esey tambe, como opcion, como verdienmodel.

Awor aki nan kier haya contratista pa haci un investigacion di e beton. Una bes cu esaki wordo haci, por sa e estado di e siguridad di e sala. Busca pa drecha e cosnan esencial mas lihe posibel, pero tambe den e estilo cu e sala nobo den mente. No ta bay hinca e placa den dje si e no por tin e funcionalidad pa e edificio nobo.

Di un biaha ta prefera di haci’e bon pa despues ora cu tin balcon of si tin roluit systeem of kico cu por ta, pa por uz’e en todo caso. E florin por gast’e un biaha y ta spera di por gast’e bon, duradero pa e verbouwing mes.

 

- Advertisement -

DUNA COMENTARIO

Please enter your comment!
Please enter your name here