Home Salud DVG ta pidi tur hende cu ta viaha pa paisnan cu por...

DVG ta pidi tur hende cu ta viaha pa paisnan cu por tin Keintura Geel, pa pasa tuma vacuna

16
0
SHARE
- Advertisement -

ORANJESTAD(AAN): Directie Volksgezondheid (DVG) a tene un conferencia di prensa Diahuebs, relaciona cu e yamadanan y pregunta cu nan a ricibi for di prensa, rond di e malesa Gele Koorts, conoci tambe como Yellow Fever of Keintura Geel.

Consehero di Comunicacion di DVG Ichelle Simon a splica cu e preguntanan a bin, pasobra den periodo di vakantie hopi hende tin e custumber di viaha y tin algun region cu ta keda confronta cu e virus di Gele Koorts.

E ta un malesa viral hemoragico, cu ta wordo transmiti door di un pica di e sangura (Aedes Aegypti).

El a sigui bisa cu na Aruba te ainda no tin caso di Gele Koorts.

“Ta importante si pa pone enfasis cu si abo viaha na un di e paisnan cu si tin e virus y bo bin Aruba cu e virus, e por wordo transmiti pa otro ciudadano, si un sangura picabo y despues pica otro hende”.

“Esaki e ora ey por bira un problema hopi serio pa nos pais”, segun Simon.

El a sigui bisa cu e virus tin cu wordo tuma basta serio, mirando cu e sintomanan den mayoria caso ta inclui keintura, calafrio, falta di apetit, sacamento, mareo, dolor muscular y dolor di cabez.

Tur e sintomanan aki por keda cubo te cu alrededor di 4 dia.

Simon a indica cu te hasta por tin casonan fatal.

El a menciona e region y paisnan unda cu bo tin cu tene extra cautela, esta America Central y Zuid America y pa ta mas exacto Argentina, Bolivia, Brazil, Colombia, Ecuador, French Guyana, Guyana, Panama, Paraguay, Peru, Suriname, Trinidad & Tobago y Venezuela.

Banda di esaki, mester ta hopi cauteloso tambe na Africa, esta den e paisnan Angola, Burkina Faso, Burundi, Cameroon, Central African Republic, Tsjaad, Congo, Republica Democratico di Congo, Costa di Marfil, Etiopia, Ghana, Gabon, Gambia, Guinea, Guinea Bissau, Kenya, Liberia, Mali, Mauretania, Nigeria, Niger, Senegal, Siera Leone, South Sudan, Sudan, Togo y Uganda.

“Si bo ta viaha pa un di e lugarnan aki, nos kier pidi bo pa por fabor sea conciente y pasa tuma un vacuna contra Gele Koorts na Dienst Besmettelijke Ziekte (DBZ)”., segun Simon.

 

 

- Advertisement -

DUNA COMENTARIO

Please enter your comment!
Please enter your name here