Home Social E informe aki di UNICEF ta mustra locual Aruba no mag permiti!

E informe aki di UNICEF ta mustra locual Aruba no mag permiti!

188
0
SHARE
- Advertisement -

Sesenta pais cu slogan: “Cariño SI golpi NO”

ORANJESTAD (AAN) – Segun datonan publica pa UNICEF na November 2017, mundialmente 70 miyon di mucha ta haya nan mes den condicionnan di pobreza y dos di cada tres menor, ta victima di abuso.

Rond di 300 miyon di mucha na mundo (homber y muher) ta biba den un situacion di violencia, segun datonan publica door di e Fondo di Nacionnan Uni pa Infancia (UNICEF).

Unicef ta indica cu esaki ta caba un situacion habitual: violencia den e bida di mucha y adolescente.

E documento ta destaca datonan relaciona cu maltrato domestico durante e prome infancia; violencia na scol; morto violento entre adolescentenan; abuso sexual durante e infancia y adolescencia. Unicef ta adverti cu e dañonan causa na menornan di edad ta wordo “naturaliza” y asumi hopi biaha como “un manera efectivo di educa na cas”.

MALTRATO INFANTIL:

Segun Unicef e maltrato domestico contra mucha, durante e prome infancia, ta refleha su mes den dicho estudio unda ta wordo señala cu den 300 miyon di mucha di 2 pa 4 di nan, ta victima di algun tipo di maltrato, y 250 miyon ta wordo castiga fisicamente.

Tambe e ta splica cu 6 di cada 10 mucha entre nan 12 pa 23 luna di edad ta victima di disciplina violento, cu dañonan tin biaha ireparable.

Tristo pa nos recorda y nunca lubida cu na Aruba nos tabata tin dos caso di maltrato brutal di mucha cu consecuencia fatal.

Unicef ta sigui indica cu solamente sesenta pais na mundo a tuma medida legal contra abuso infantil. Esey ta nifica cu ta keda ainda 600 miyon di mucha menor di cinco aña sin proteccion huridico.

E abuso contra mucha ta bay for di abuso escolar, na cas y den e mesun comunidadnan.

Unicef tambe ta preocupa pasobra e violencia sexual infantil y durante e adolescencia ta un problema frecuente y grave. E documento ta mustra cu, aproximadamente, 15 mucha muher entre 15-19 aña di edad a bira victima di abuso sexual, y hopi caso ta tuma lugar den nan mes hogar of den circulo cercano.

Na Aruba, nos a caba di scucha Parlamentario Sue Ann Ras bisa cu den nos pais e incesto ta hopi halto segun datonan di Bureau Sostene Mi.

AMERICA LATINA Y CARIBE:

Un enfoke latinoamericano y area di Caribe realiza pa un instancia di ONU, ta apunta cu den e continente aki 70 miyon di mucha ta haya nan mes den condicionnan di pobreza y cada dos di tres, di e criaturanan aki ta sufri di violencia verbal, fisico, sexual den hogarnan, comunidad y centronan educativo.

Dos di cada tres menor di edad ta sufri di disciplinanan agresivo den nan hogar, y tres di cada diez studiante ta wordo acosa den Institutonan educativo mes. Edadnan señala: 13-15 aña.

E datonan di Unicef pa loke ta trata aña 2017 ta indica cu 1 di cada 4 homicidio di mucha of adolescente na mundo, ta sosode na America Latino y Caribe.

“Cada cinco minuut un mucha maltrata ta muri”.

E representante Special di Secretario General di Nacionnan Uni, encuanto violencia contra mucha, Marta Santos Pais, ta asegura cu “cada cinco minuut un mucha ta muri como resultado di maltrato…” y a acentua cu e casonan ta mas frecuente den e propio hogar!

Na 60 pais a saca un slogan: “Cariño SI, maltrato NO” den e cuadro di e lucha contra abuso di mucha y leynan pa contraresta esaki!

 

- Advertisement -

DUNA COMENTARIO

Please enter your comment!
Please enter your name here