Home Parlamento E presupuesto supletorio a ser trata den un reunion cu grito di...

E presupuesto supletorio a ser trata den un reunion cu grito di ofensa di cheerleaders di gobierno

374
0
SHARE
- Advertisement -

Drs. Mervin Wyatt-Ras:

ORANJESTAD (AAN): Parlamentario di fraccion di AVP, drs. Mervin Wyatt-Ras, ta trece padilanti cu e presupuesto suppletorio 2017 no por a ser sosteni door di fraccion di AVP paso el a ser di tal forma cambia door di gobierno cu no por a reconoce. Sinembargo el a ser aproba door di e stempelparlement di coalicion.

Wyatt-Ras ta menciona cu e presupuesto suppletorio a ser traha door di gobierno anterior. Sinembargo e gobierno aki a tarda asina hopi pa present’e y a present’e cu un cambio asina drastico cu ni or a reconoce.

Anto contrario na loke e ministernan di awe a grita ora nan tabata parlamentario no a ni manda e cambionan drastico aki pa un tweede toetsing pa Raad van Advies ni a mandoe pa CAFT. Awe si Ministro di Finanzas ta bisa cu no mester manda nada back Raad van Advies.

Segun gobierno su parlamentarionan e deficit a subi drastico. A papia hasta di disaster. Den caso cu tin un deficit asina halto manera cu e gobierno actua ta pretende, ta di spera cu e gobierno aki lo mester tin solamente 7 minister envez di 8 of 9. Wyatt-Ras ta keda pendiente di e cambio aki.

Wyatt-Ras ta haya ademas cu banda di e presupuesto suppletorio gobierno lo mester a cumpli cu ley y entrega e presupuesto di aña 2018 y e LIM promer cu fin di aña pa asina stipula ken lo ta na encargo di cual ministerio y pa fiha metanan concreto di gobernacion.

Wyatt-Ras a cuestiona alavez cu e minister di Asuntonan Social ta anunca cu e lo paga Kersbonus pa esnan cu ta cobra bijstand mientras esaki no ta algo nobo y cu ta netamente gobierno di gabinete Mike Eman a yuda e sector social door di entre otro aumenta bijstand, introduci schoolkinderen toeslag y hisa e suma di uitkering pa esnan special.

E deficit di AZV tambe a keda sin claridad riba dje a base di ki rapport of carta lo mester pone un suma mas halto. Ademas tambe ta skohe pa bay drecha edificio di gobernacion envez di pone e suma aki pa por ehempel fundacionnan ya cu a anuncia cu lo bay fortifica e ser humano.

Tin mas aspecto y otro coleganan cu a hiba palabra a trece varios punto padilanti manera Citgo y tambe e aspecto di impuesto.

Locual por a nota durante reunion tabata un cantidad di coordinadornan di ministernan cu tabata eynan pa grita, insulta y bully parlamentarionan di AVP sin cu e presidente tabata tribi di stop nan.

Lo mester chek unda e personanan aki ta traha cu nan por keda asina tanto ora for di nan trabao pa fungi como cheerleaders pa gobierno.

 

- Advertisement -

DUNA COMENTARIO

Please enter your comment!
Please enter your name here