Home Comercio E siguiente paso ta di bo, haci bo mes evaluacion ...

E siguiente paso ta di bo, haci bo mes evaluacion y cumpra sabi

11
0
SHARE
- Advertisement -

Michael Lee-Chin:

ORANJESTAD (AAN): Jamaica y Caribe ta yen di oportunidad cu por sigura creaccion di fortuna  pa accionistanan, pero e  inversionistanan potencial mester haci nan mesun huiswerk y evaluacionnan y no depende solamente di analista y consultornan, cu no tin un conecemento completo di e region , tabata palabra di Michael Lee-Chin, Presidente y Director di Portland Holdings.

Presentando na e Forum pa Infrastuctura den Caribe organiza pa IJ Global y New Energy Events y patrocina pa CIBC FirstCaribbean International Bank y KPMG na Hilton Rose Hall, Montego Bay, Jamaica dia 12 di december 2017, Sr. Lee-Chin  a bisa: “E region di Caribe ta un tesoro necesario pa crea un gran fortuna”.

Usando e Banco Comercial Nacional di Jamaica (BCN) como un ehempel, el a conta e participantenan: “Nos a worde informa door di un experto internacional pa no inverti den BCN . Nos no a haci caso y nos a haci nos mesun evaluacion y 14 aña despues, e banco a produci un ganashi di mas cu 1.5 biyon Dollar. E pais tambe a beneficia di esaki, pasobra a worde paga mas cu 475 miyon Dollar den impuesto.”

Tambe el a referi na loke e ta discribi como “e deal di mas grandi na 2017”, cu ta e benta di Columbus Communications (FLOW) na Cable y Wireless, pa ilustra con prepara e region ta pa haci inversion, y a conta e delegadonan “tene kidou con bo ta tuma decisionnan. Considera percepcion versus realidad.”

Ilustrando specificamente  Jamaica, Señor Lee-Chin a bisa: “Tin un cantidad grandi di oportunidad y “assets” menos balora cu ta nifica  un rendimento halto pa e inversionista, localidad excelente y likides halto.”

El a bisa cu e cambionan cu ta na caminda lo haci inverti den Jamaica hopi mas atractivo. Esaki ta inclui e politicanan gobernando capital social cual a worde “historicamente neglisha door di autoridadnan”.

“E test di  capital (capital disponibel defini como  capital necesario) pa e companianan di seguro di Jamaica por ehempel, a worde estableci  pa hopi aña na 25% contra di e 1% na Merca y 1.5% na Canada. Finalmente esaki lo worde reduci na 1.5%. Esaki lo libera capital di termino largo y lo bay tin fondonan disponibel pa inversion den infrastructura.”

Tumando na cuenta cu hopi di e gobiernonan den Caribe ta  busca di privatisa nan sectornan pa asina aumenta inversionnan, Señor Lee-Chin a duna un conseho special na funcionarionan publico incluyendo Minister Presidentnan participando na e conferencia, “bende e propiedadnan na doñonan/operadornan nobo pa placa cash, y percura pa e  doño nobo su “assets”  por crece y asina percura pa crea un entrada  anual via belasting pa por sigura creaccion di fortuna pa  e accionistanan.

- Advertisement -

DUNA COMENTARIO

Please enter your comment!
Please enter your name here