Home Hudicial E sospechoso ta culpa su mama di a trece Aruba

E sospechoso ta culpa su mama di a trece Aruba

736
0
SHARE
- Advertisement -

Gaby Martiens kier bay sinta castigo na Hulanda

ORANJESTAD(AAN): Gabriel “Gaby” Martiens, e homber acusa di a maltrata y asesina dos mucha, ta cera na KIA pendiente e investigacion penal contra dje. El a conta cu su bida awe, cu no ta di e miho, ta pa culpa di su mesun mama, kende a corta su estudio na Europa y trece Aruba.

Gaby tabata studiando na nivel VWO na Belgica y ta considera cu e tabata un bon studiante. Pa motibo di trabou, su mama a dicidi di bin biba y traha na Aruba, pa cual e y su 2 rumannan mester a bin tambe. Aki el a haye confronta cu un diferencia grandi den nos sistema di enseñansa, cu a haci cu e no por a bay VWO sino MAVO na Commandant Abraham de Veer School na San Nicolas.

Ey el a haya mal amistadnan, a cuminsa core caya, namora mucha muhernan, cu consecuencia cu el a bay atras den su estudio y a bin termina te na EPB. Ey el a siña huma marihuana, aunke cu den su palabranan, e ta kere cu Marihuana ta algo natural y e ta bon. El a subraya cu e nunca no a uza cualkier otro droga, pues ni cocaina, ni heroina, XTC of otronan.

E comportacion aki sin duda no a yud’e den su bida, ni tampoco den su carera laboral y awor por mira tambe, ni den su rol como tata. El a splica cu e eror mas grandi cu su mama a haci, ta di trece Aruba, sake di su ambiente na Belgica, su estudio y tur cos.

Su rumannan si a studia bon aki, a caba Colegio Arubano te cu nan a regresa Hulanda pa sigui nan estudionan mas avansa. E a cay for di e macuto aki y ta lamenta tur dia. Su mama entretanto, algun luna pasa, a regresa Hulanda unda el a establece su mes bek.

Gabriel “Gaby” Martiens, acusa di ta responsabel di e morto di e rumannan Eugene Frans y Rishandroh Anastacia, no kier keda Aruba. No solamente pa miedo di represalia, pero mas bien pasobra e no ta di aki, sino a yega mas o menos 5 aña for di Hulanda. E kier bay eynan pa sinta su castigo, ya asina famia por bishit’e y e por tin mas contacto cu nan.

Aunke e impresion por ta den comunidad cu a maltrate ora a detene, e mes a bisa cu esey no ta e caso. E Polisnan nunca a maltrate durante e interogacion, solamente e trato no tabata normal.

Awor na KIA, e ta cera den un seccion special y no tin mucho contacto cu otro presonan. El a admiti si cu presonan a menase cu nan lo maltrat’e, pero esey no a sosode ainda.

Pa evita cu e lo yega asina leu, via su abogado, mr. Drs. Benny Heinze, el a solicita pa Gobierno mande Hulanda pa e warda su caso.

 

- Advertisement -

DUNA COMENTARIO

Please enter your comment!
Please enter your name here