Home Comentario E voznan di pueblo cu ta bolbe lanta!

E voznan di pueblo cu ta bolbe lanta!

100
0
SHARE
- Advertisement -

ORANJESTAD (AAN) – Tin algun voz den pueblo cu a bolbe lanta tocante e caso di e rumannan Anastasia, e dos chikito cu siman pasa numa a wordo dera despues di nan morto tragico.

Varios ciudadano ta ripara cu no a bin dilanti nada mas for di gobierno, relaciona cu e plannan cu a wordo menciona cu ta bay tuma lugar pa combati abuso domestico y voraal, tur tipo di manifestacion di abuso y maltrato di mucha.

Den e dianan aki un “rumor” a circula cu e dos culpablenan a wordo manda pa Hulanda caba, locual tin indicacion cu OM a desmenti. Esey no ta e caso pasobra e caso no a bay Corte ainda.

Pero si ta asina cu cantidad di ciudadano ta pendiente di esaki, nan ta yama na nos redaccion puntra kico nos sa di e asunto, pasobra nan no ta mira informacion mas den prensa ni oficial ni no oficial. Esaki pasobra e mayoria di nos pueblo no kier pa nan wordo traslada pa Hulanda. Nan kier pa nan wordo cera den Prison na Aruba mes, y pa nan haya maximo castigo cu por existi riba nos Isla, ohala prison pa bida largo.

Berdad ta cu e suceso cu a laga atras un historia tristo cu cara di mucha (dos mucha) Aruba no mester lubida, y menos gobierno cu a priminti asina tanto cos pa combati abuso, maltrato y negligencia di nos muchanan.

MANIFIESTO:

Diasabra 16 di December awor, lo tin un actividad den cual un grupo di ciudadano lo entrega un manifiesto na Parlamento, pa 4 or di atardi. E ta sali for di Juliana School pa 3’ or di atardi. E tema ta: STOP Abuso di Menor. Stop tur abuso aki na Aruba awor!

- Advertisement -

DUNA COMENTARIO

Please enter your comment!
Please enter your name here