Home Salud Edad limite di contrato di docternan cu AZV ta y lo keda...

Edad limite di contrato di docternan cu AZV ta y lo keda 65 aña

124
0
SHARE
- Advertisement -

Relacionista Publico sra. Solange Tchong:

ORANJESTAD (AAN)— Den entrevista cu e Relacionista Publico di AZV, sra. Drs. Solange Tchong, el a confirma cu for di inicio di AZV a wordo incorpora e edad di 65 aña un contrato cu docternan ta termina.

Sra. Tchong a menciona cu enberdad tin diferencia di opinion den cual docternan di cas, specialista y otro dunadornan di cuido, ta opina cu esaki no ta corecto, pasobra varios di nan ta sinti cu nan ta den bon condicion fisico, cu nan por sigui traha.

Sra. Tchong ta señala cu AZV tin cu zorg pa un cuido medico di calidad y pesey nan a institui e edad di 65 aña pa e contrato cu e docternan termina.

Tin diferente punto di bista al respecto. Un di nan, segun e PR di AZV, cu AZV a bin ripara e ultimo cuater pa cinco aña ta cu e prome linea di cuido ya caba, vooral door di docternan di cas, mas y mas tin aceptacion di algun di nan mes cu ta pidi pa stop, den cierto casonan, hasta prome. Nan ta bisa cu nan ta haya 65 aña mes un reto. Asina e Relacionista Publico di AZV a menciona.

E dama a subraya cu si mira e tipo di trabao cu e docternan tin, e no ta un trabao facil. E ta un trabao cu hopi proceso y tin diferente aspecto cu nan ta responsable pe.

E ora ey AZV ta bisa cu ta ora pa traspasa e trabao aki pa un docter di nobo, den e caso aki.

El a agrega cu tin specializacionnan unda esaki no ta facil pa bisa, no obstante esaki ta e edad pa stop cu e contrato cu AZV pa tur docter di cas, specialista, dentista, etc. Nan tur cu ta contrata cu AZV ta mara na esaki.

E grupo cu mas ta expresa cu nan por sigui traha despues di edad di 65 ta e dentistanan, pero AZV ta opina cu esaki ta e edad pa baha cu pension, pero nan ta lague liber na e dentista pa dicidi riba esaki.

Por ripara den transcurso di añanan cu hopi di nan ta sigui traha, pero ya no cu contrato di AZV sino cu pacient priva.

Sra. Tchong a subraya cu enfasis cu AZV no ta bay cambia e stipulacion aki na prome lugar pasobra nan kier fomenta cuponan di trabao pa profesionalnan nobo, y tambe pasobra e cuido mester keda responsable.

 

- Advertisement -

DUNA COMENTARIO

Please enter your comment!
Please enter your name here