Home General Edicion nobo di Bacchanal entrega na Premier Wever-Croes

Edicion nobo di Bacchanal entrega na Premier Wever-Croes

15
0
SHARE
- Advertisement -

ORANJESTAD (AAN): Recien a tuma lugar e entrega oficial di Bacchanal 2018 na Minister President señora Evelyn Wever-Croes.

E editor Chibi van der Hans, a mustra cu ta contento con e ta worde encurasha pa sigui cu e publicaccion aki. Ta pone sinti cu berdad e revista Bacchanal a bira un parti integral di Aruba su Carnaval. El a duna danki un biaha pa e sosten y apoyo grandi cu e pueblo di Aruba a dunami tur e anyamam aki.

Esaki ta edicion 20 di e revista. Den cuadro di e logro aki Bacchanal ta trahando riba proyectonan grandi encuanto Carnaval di Aruba. un aspecto ta ensera versionnan digital di cada edicion di Bacchanal cu lo worde publica riba e website www.arubabacchanal.com.

Carnaval ta un tema cu ta keda bin back tambe durante henter aña. Hopi biaha Aruba ta worde refleha cu imagennan di Carnaval. Te hasta ta asina cu e tema di Carnaval ta worde escohi door di studiantenan pa spreekbeurt, scriptie etc.

Tambe Bacchanal ta trahando riba publicacionan mas completo y responsabel. E forma den cual esaki lo worde haci nos ta comparti mas den detayes despues. Asina Bacchanal kier logra cu mas informacion encuanto Carnaval di Aruba yega mas lew tambe door di activa mas ainda nos website y social media. E revista Bacchanal lo ta obtenibel entrante 12 di December.

- Advertisement -

DUNA COMENTARIO

Please enter your comment!
Please enter your name here