Home General En general control riba bendemento di clapchi a trece bon resultado

En general control riba bendemento di clapchi a trece bon resultado

21
0
SHARE
- Advertisement -

City Inspector Marlon Peters:

ORANJESTAD (AAN) – Inspector sr. Marlon Peters, Hefe di Buro City Inspector, den entrevista cu Matutino DIARIO a referi na e bendemento di clapchi y control cu e comision ta haci tocante esaki, pa garantiza seguridad pa e consumidornan na un maximo posible.

City Inspector a menciona cu de vez en cuando e comportacion di esnan cu ta bende clapchi y esnan cu ta cumpra, ta laga di desea. Pero e aña aki e Comision cu ta haci control, conhuntamente cu Cuerpo Policial, y demas instancianan a haci un bon trabao.

Inspector Peters tambe a haci control y el a comenta cu ora e bendedornan ta wak e auto di City Inspector nan ta para riba nan tenchi y ta core saca nan vergunning, kiermen nan ta conciente y educa pa mustra e documentonan concerni y demas rekisitonan manera aparato pa paga candela, etc. Leu leu por tin un cu ta reta autoridad, pero en general tur cos a bay bon.

BO TA FIESTA FIN DI AÑA BAND’I LAMA?

City Inspector ta dirigi tambe palabra na esnan cu den fin di aña ta tira clapchi y ta laga sushi atras, y vooral esnan cu tin e custumber di bay pasa den grupo na cant’I lama bay sinta bebe, pasa un atardi dushi cu famia y/ of amigonan.

Tin algun di e gruponan aki ta bebe bay goal, haci un tiki fastioso, y laga tur e sushedad benta eybao pa, supuestamente, Serlimar, Ecotech of cualkier otro hende bin piki e sushi aki.

“Mi ta pidi encarecidamente. Shonnan tende, abo a fiesta eyfo, abo a bay eynan, pasa dushi. Lekker no? OK. Ruim op. Recoge e sushi hinke den saco, pone den bo pickup of baul di auto y bay tire afo. No lague eynan pasobra e ta plama riba beach, den lama, etc. Turistanan ta wak esaki y ta bisa cu pueblo di Aruba ta porco, sushi. NO! Ora bo ta bay cant’I lama fiesta piki bo sushi. Bo a haye limpi, lague limpi, Esey mi ta pidi un y tur, pa tene Aruba limpi!” City Inspector Marlon Peters a enfatiza.

- Advertisement -

DUNA COMENTARIO

Please enter your comment!
Please enter your name here