Home Gobierno Entre 15 y 18 di December lo trata presupuesto supletorio den Parlamento

Entre 15 y 18 di December lo trata presupuesto supletorio den Parlamento

40
0
SHARE
- Advertisement -

Minister Presidente a duna di conoce:

ORANJESTAD (AAN) – Baha edad di pension tabata y ta un compromiso di gobierno di MEP for di campaña.

Asina Minister Presidente señora mr. Evelyn Wever-Croes a declara contestando un pregunta di prensa, na su salida di Gabinete di Gobernador.

E dignatario a comenta cu Partido POR tabata tin un otro vision, di bahe mas ainda. Pero nan yega na e acuerdo di bahe na 62 y den esey nan ta trahando. “Pero cu e ta baha ta baha, esey definitivamente”, e mandatario a subraya.

Tocante e pregunta encuanto sparmento riba e gastonan di Gobierno ta trahando duro riba esey.  E mandatario a pone como ehemplo cu e prome minister anterior tabata tin 120 coordinador. “Ami no ta bay tin mas di 12 hende trahando cerca mi como consehero di mi staf, secretaria, bode, etc. Esey ta mi meta y mi vision”, Minister Wever-Croes a indica.

E otro ministernan por tin un tiki mas consehero of coordinador, pasobra nan tin mas cartera pero no e cantidad anterior. Esaki ya caba ta yuda cu algo, segun e minister presidente.

Huurmento di edificio ta otro tema cu el a menciona. El a subraya cu el a worde critica door di esaki siendo cu ta un propiedad so e tin cu ta su mes cas.

El a compromete su mes cu como Minister Presidente e no ta bay huur ningun edificio. Aworaki, el a splica, e ta sinta cu cuater edificio cu ex-premier Eman tabata huur, na diferente localidad na Aruba cual contrato no por kibra door di e manera cu nan ta hinca den otro cu nan por hiba bo Corte.

Aworaki su conseheronan ta bezig ta trahando pa mira con por kibra e contratonan pasobra nan ta bashi. Un di nan ta unda e bureau Inovatie tabata cu nunca a existi pasobra nunca nan a lante legalmente, y tur e personal tabata temporal cu ora e gabinete bay cas, nan tambe.

Otro ta esun di Bo Bario ora nan a baha nan a core institui e como departamento y e personal tambe, cu tabata coordinador, y a core haci nan ambtenaar pero tampoco ta bay door pasobra e ta invalido. Asina e mandatario a subraya.

E diseñadornan grafico cu tabata rond di ex-Minister Eman tabata ocupa un edificio pero nan no tey mas. Como e lugarnan aki ta bashi, e mandatario tin e contratonan aki pa worde kibra pa asina no tin e gastonan aki mas. Asina ta bay baha gasto door di e diferente medidanan aki cu lo worde tuma.

El a duna di conoce tambe cu entre 15 pa 18 di December awor e reunionnan di Parlamento lo tuma lugar pa trata e presupuesto supletorio di e aña aki, hunto cu un ley di financiamento pa e deficit di e otro aña y e ley di cambio di ministerionan. Esaki lo sosode prome cu recess di Parlamento cu ta cuminza dia 22 di December, cual gobierno lo respeta.

El a indica tambe cu lo no tin ningun cambio den e presupuesto pasobra solamente lo trece dilanti kico e gasto y entradanan real ta, pero no cambio di maneho.

Si a tuma e decision despues di a sinta cu tur e instancianan social cu nan a bisa kico nan tin mester. El a anuncia cu Buro Sostene mi ta bay bira e “meld punt” pa registra tur abuso di mucha, no solamente sexual pero maltrato, etc., manera e caso tristo cu a sosode cu e dos muchanan. Eynan solamente dos hende ta traha y gobierno tin cu zorg pa pone mas hende, ya cu e casonan a aumenta for di loke a pasa cu e dos angelitonan.

- Advertisement -

DUNA COMENTARIO

Please enter your comment!
Please enter your name here