Home Salud Esnan cu tin alergia pa webo, no por tuma vacuna contra Keintura...

Esnan cu tin alergia pa webo, no por tuma vacuna contra Keintura Geel

18
0
SHARE
- Advertisement -

ORANJESTAD(AAN): Arnelda Els enfermero di Dienst Besmettelijke Ziekte (DBZ) ta un di esnan encarga cu vacunacion di viaheronan y durante un conferencia di prensa el a splica cu ta hopi importante pa hendenan haya nan vacuna, ora cu nan viaha pa cierto paisnan unda cu tin por ehempel Keintura Geel.

“Si bo ta bay viaha y bo ta duda of bo no ta corda si e pais unda bo ta bay ta un pais cu tin Keintura Geel, bo por yama DBZ pa haya conseho riba cua vacuna bo tin cu haya”.

Esaki segun Els, kende a sigui bisa cu e vacuna di Keintura Geel bo ta haya 1 biaha y e ta dura pa bida largo.

Si den pasado bo a yega di haya e vacuna aki caba, bo no tin cu tume mas.

Un estudio cu a Sali aña pasa a confirma esaki.

E vacuna ta costa 31 florin y tur hende por pasa di 8’or di mainta te cu 12’or di merdia y di 1’or pa 3:30 di atardi.

Algo importante pa tene cuenta cune si ta cu si bo tin un alergia pa webo, bo no por tuma e vacuna aki.

Si bo ta alergico y no a tuma e vacuna y bo a viaha pa un pais unda cu tin Keintura Geel, bo tin cu tuma extra precaucion pa no wordo pica pa sangura.

 

- Advertisement -

DUNA COMENTARIO

Please enter your comment!
Please enter your name here