Home Social Evento relaciona cu Derechonan di Mucha na Stichting Rancho

Evento relaciona cu Derechonan di Mucha na Stichting Rancho

36
0
SHARE
- Advertisement -

Organiza pa alumnonan di Universidad di Aruba

ORANJESTAD  (AAN):  Studiantenan di Universidad di Aruba Mirline Esperance y Thalina Willems ta traha como boluntario na Stichting Rancho.

Esaki originalmente como parti di un vak cu nan tin na Universidad, cu ta rekeri pa nan haya experiencia hasiendo e trabaonan ey.

Awor nan a haya e oportunidad pa organiza un evento, di cual nan ta bay siña hopi.

Esaki Thalina Willems a splica den un conferencia di prensa.

El a hasi un invitacion na pueblo di Aruba pa asisti na e evento di dia 10 di December, cu tin di haber cu Dia Internacional di Derechonan Humano.

Den e evento e studiantenan ta enfoca riba e derechonan di mucha, pa tur hende haya sa entre otro exactamente kico ta e derechonan cu mucha tin.

“Tin hopi caso di mucha cu problema na Aruba y ta keda na nos tambe pa duna e muchanan aki un voz”, segun Willems.

Mirline Esperance tambe a hiba palabra y el a splica cu nan a uni cu nan klas pa trece un actividad cu ta encera un dia di informacion pa e muchanan.

E prome parti di e actividad ta bay ta di 4’or di atardi te cu 7’or di anochi, unda cu ta bay tin pintamento y un pelicula cortico dirigi na e muchanan, pa nan conoce e derechonan di mucha.

Di 7’or y ey ta cu 9’or ta bay tin un charla pa adulto, unda cu nan tambe ta haya sa mas di e derechonan di mucha, pa nan por tene cuenta cu esaki den nan bida diario.

Riba e dia ta bay tin participacion tambe di organizacionnan social, incluyendo Bureau Sostenemi, cu ta bay duna un presentacion riba derechonan di mucha.

E actividad ta bay ta na Centro di Actividad di Stichting Rancho den Koningstraat.

 

 

- Advertisement -

DUNA COMENTARIO

Please enter your comment!
Please enter your name here