Home Parlamento Ex-minister Arends a keda pega den e doctrina “Emannipulacion”

Ex-minister Arends a keda pega den e doctrina “Emannipulacion”

101
0
SHARE
- Advertisement -

Parlamentario Edgar Vrolijk:

ORANJESTAD (AAN) – Parlamentario Edgar Vrolijk a reaccion, den conferencia di prensa di fraccion di MEP, tocante expresionnan di ex-Minister Richard Arends awo Parlamentario di AVP.

Esaki ta unda cu sr. Arends ta bisa cu e ta sorprendi cu e gobierno nobo no por cumpli cu normanan. Parlamentario Vrolijk ta di acuerdo cu Arends cu si, cu tin un gobierno nobo, cu apenas tin tres siman cu a sinta.

Un gobierno nobo cu ya caba a habri cu su retonan grandi pero cu por mira cu ta un gobierno cu ta buscando solucion pa locual a hereda.

E parlamentario a subraya cu ora e ta wak e reaccion di un hoben asina cu un preparacion pa e tabata un Minister, e ta kere cu e persona aki a keda pega cu un doctrina.

El a agrega cu na mundo ta conoci diferente doctrina y durante e ultimo gobernacion di Gabinete Eman 1 y 2, a conoce e doctrina “EMANnipulacion”. Den esaki a manipula cu cifra, a engaña pueblo, y esaki ta locual sr. Arends a sigui cune y e mester tin seriedad den loke e ta trece dilanti.

“Ora nos wak 1 di September 2017, mester a entrega un begroting pero esaki ainda no a drenta. Y señor Arends ta insinua cu esaki ta e caso. Den dado caso, señor Bermudez prome cu el a sali a priminti un begroting pober den maneho, pero esaki tampoco a drenta”, Parlamentario Vrolijk a subraya.

Den dado caso, el a agrega, loke tin aworaki ta un concepto di presupuesto 2018 cu ta na Finanzas y den e concepto aki ya conoce un deficit di 195 miyon florin.

El a subraya cu ora di wak bon den e ley di Caft ta bisa cu pa aña 2018 mester tin un surplus di 0.5 porciento, cu ta nada otro cu 25 miyon. “Nos ta actualmente cu un deficit di 195 miyon, y ainda falta loke nos colega Daphne a bisa caba pa aproba un presupuesto supletorio di 2017, cu ta core den 130 miyon, ora bo pone esakinan dos hunto ta core den carera di 330 miyon den deficit. Anto bo ta puntra bo mes, na ki cifranan sr. Arends ta referi na dje cu nos por tin un deficit grandi asina?” Vrolijk a subraya.

Nan a papia semper di un presupuesto duradero, pero ta engaño y engaño pasobra ora nos wak bon e cifranan no ta gaña. Aworaki nos ta den un batata cu un deficit di 195 miyon florin pa 2018, y ainda falta pasobra sr. Arends falta mas informacion pa duna, segun Parlamentario Edgar Vrolijk.

- Advertisement -

DUNA COMENTARIO

Please enter your comment!
Please enter your name here