Home Cultura Experience San Nicolas Christmas diasabra awor na Rotonde dilanti Nicolaas Store

Experience San Nicolas Christmas diasabra awor na Rotonde dilanti Nicolaas Store

67
0
SHARE
- Advertisement -

ORANJESTAD(AAN)— – Diasabra binidero dia 2 di December cuminsando 6 or atardi un biaha mas Fundacion Museo Arubano  y Cosecha lo organiza un evento anual: Experience San Nicolas , pero e biaha aki dedica na e luna festivo di December cu ta Pasco.

Riba e anochi aki lo bay tin diferente actividadnan manera “storytelling” di Pasco den Nicolaas Store, cantantenan hoben lo deleita canticanan di pasco, coronan, gaita, y hopi mas. Algun artistanan cu lo tey: Ganadornan di Christmas Song Festival di Tante Juli su show, Amy Richards hunto cu Joshua Bryson, Yvy-Anne Bryson, Lizienne Webb, Grupo di Baile Kids to Kids, Grupo Melodia, Reanne Ras, Asia Libiee, The Treble, We Culture (poema y baile)

Mas cu claro e artesanonan no por keda afo y lo tey presente pa asina bo por cumpra bo regalo di pasco traha na Aruba. Tambe ta bay tin diferente workshop duna dor artistanan local manera Natalia Koolman, KALA, Coloring Laura, Erika Moran y Luna Faustta cu lo tuma lugar e anochi ey pa asina abo por regala bo ser keri un regalo cu abo mes a traha. Pa inscripcion di e workshopnan por ricibi mas informacion via 5878708 Cosecha San Nicolas.

E anochi aki lo ta bay ta uno inolvidabel na unda e bar y cushina lo ta bon surti y trein Thomas tambe lo tey pa asina hibabo Museum of Industry, Community Museum como tambe Cosecha pa un tour completamente gratis.  Un anochi cu sigur lo bay tin un ambiente festivo y cu un sabor cultural pa pasa den seno familiar.

Banda di e evento aki lo bay tin tambe un proyecto di dorna kerstboom special pa e muchanan di kleuter y eerste klasnan di scol básico. Na unda e muchanan lo traha adornonan pa pone den kerstboom cu material recicla y por gana premio como klas.

Henter e team di Experience San Nicolas kier a gradici nan sponsors cu ta Aruba Tourism Authority, High Performance, FCCA y Arubabank, conhuntamente cu sosten di Flora, Palais Hindu Aruba Store y Dominos Aruba.

Pa mas informacion por tuma contact cu Cosecha San Nicolas na telefoon 5878708, Museum of Industry na 5847090.

- Advertisement -

DUNA COMENTARIO

Please enter your comment!
Please enter your name here