Home Social Famia Planea lo lansa proyecto nobo den 2018

Famia Planea lo lansa proyecto nobo den 2018

12
0
SHARE
- Advertisement -

ORANJESTAD(AAN): Fundacion Famia Planea no ta para keto. Pa 2018, nan lo ta lansando un proyecto nobo pa e aña en general. Segun directora di e fundacion , Evelyn Ras-Yarzagaray, e ta un proyecto cu ta di e federacion internacional cu FFP ta trahando cun’e IPPF, unda cu ta un proyecto mundial cu nan a inicia na 2014, cu yama “I Decide”. E campaña global cu 146 pais ta formando parti di dje y Aruba ta uni su mes na 2018, como e di 147 pais, haciendo uzo di e proyecto global aki.

Den nos idioma Papiamento el a wordo traduci y e campaña lo yama “Ami ta dicidi”. E ta un campaña di concientisacion di e impacto y importancia di bo salud sexual. Di e anticonceptivo te na e parti di educacion sexual, con e por contribui na abo como persona. Con bo decisionnan por wordo guia den un manera responsabel pa tin un miho outcome pa bo mes.

Ras-Yarzagaray no kier a bay den e casonan menos bon cu a sosode den 2017, pero ta sigur cu hopi biaha ora cu wak e impacto, ta bisa cu si tabata tey, of con por a logra haya esey, con por a logra haya e hoben pa e no a yega asina leu. Kiermen hopi biaha esey ta locual cu FFP ta purba di reach out na dje, pa ora por traha mas hunto den e aspecto preventivo, cu resultadonan positivo.

Semper ora cu haya cosnan menos bon, ta ponebo para keto un rato y analisa kico bo por a haci diferente y eynan por restrategize y wak den ki direccion kier bay y den direccion ta bayendo.

E importancia di prevencion riba salud sexual, riba decisionnan responsabel pa un hoben. Sa cu ta conciente cu tin asina hopi factor, tin ora negativo ta hunga un rol, pero kier keda enfoca riba e aspecto positivo y keda elogia esnan si ta haciendo algo, esnan cu si ta mira e importancia y keda papia y informa, keda duna asistencia na e scolnan, na mayornan, na educadornan, na e dokternan di cas, na tur e instancianan necesario pa bo por keda papia, keda brinda informacion, pasobra semper bo por logra yega na 2 pa 3 hende extra durante e intentonan cu ta purba di haci.

Ta sumamente contento cu e crecemento den clientela cu e organisacion tin, pero naturalmente sa cu semper tin espacio pa bo por crece. Semper tin espacio pa por mehora. Esey no ta algo cu abo so como instancia por haci.

Mester di diferente partner pa por yega eynan. Eynan tambe tin plan di 2018, unda cu nan ta drenta aden cu Ami ta Dicidi. No ta un campaña di FFP, pero cu ayudo di diferente stakeholder, di e scolnan, di e dokternan di cas, di AZV, di e staf mes na FFP. Hopi biaha nan ta bay pafo di oranan di trabao.

Hopi biaha ta haya tayernan cu ta wordo pidi anochi, durante fin di siman di carnaval. Tin gruponan cu hopi biaha ta traha pa hoben, scout, gruponan di baile, gruponan cu ta haci campnan vacacional. Tur esakinan ta pidi den nan programa y ta purba di ta mas flexibel pa por brinda nan e informacion.

Nunca no ta demasiado tempran pa bo haya informacion. Un mucha dependiendo di su edad, abo por pas bo mes aan pa na su edad bo purba di dun’e y gui’e caba cu informacion di sexualidad.

 

 

- Advertisement -

DUNA COMENTARIO

Please enter your comment!
Please enter your name here