Home Actividad Especial Festival grandi di Dande lo ta Diabierna 29 December riba Plaza Betico

Festival grandi di Dande lo ta Diabierna 29 December riba Plaza Betico

134
0
SHARE
- Advertisement -

ORANJESTAD (AAN): E interes ta hopi grandi pa e di 44 festival di Dande,  propio composicion y tipico.

E festival lo tuma luga riba diasabra 29 di december venidero na Plaza Betico Croes pa 7’or di anochi. E interes ta mustra un biaha mas cu e lo bira hopi grandi y por spera un publico hopi grandi  mirando cu hopi agrupacion musical di dande a busca informacion di e festival y te hasta tin dirigente a confirma nan participacion cu mas di un cantante.

Fundacion Festival Dande a tuma e decision pa yama un reunion y alavez habri registracion pa e 4 festivalnan, festival tipico, propio composicion y dande den categoria dama y cabayero. Tin tur indicacion cu e festivalnan lo bira un otro exito pa motibo cu ta nos cultura y tradicion  Arubiano.

Fundacion Festival Dande lo tuma registracion y finalmente lo numera e agrupacionnan cu nan cantante segun numeracion di lot.  E reunion lo tuma luga riba dialuna dia 18 december na Sandra’s Garden pa 6’or di atardi.

E festival ta priminti di bira grandi pa es motibo aki lo no por acepta mas agrupacion despues di tiramento di lot, pasobra ta importante pa tin un programa cla bon hinca den otro a base di lotmento.

Durante di e festival di Dande lo bay reconoce 7 baluarte di Dande. Fundacion ta extende un invitacion na prensa pa asisti na e conferencia di prensa cu lo tuma luga despues di e tiramento di lot.

- Advertisement -

DUNA COMENTARIO

Please enter your comment!
Please enter your name here