Home Deporte Fiesta di Pasco di SV Royal Power y preparando pa 2018

Fiesta di Pasco di SV Royal Power y preparando pa 2018

43
0
SHARE
- Advertisement -

ORANJESTAD (AAN) – Diasabra ultimo e equipo di SV Royal Power Tat fat Home Depot a tene su Christmas Dinner na residencia di Mama Sofia na Sta Cruz.  Manera ta e custumber desde cu a cuminsa uza e nomber  Royal Power na aña 2003 semper a tene sea un dinner of un party na final di aña. Aña pasa Royal Power a tene un Christmas Party cu tur hungadornan cu a yega di milita den Royal Power desde 2003 acompaña pa Tsunami.

E aña aki sinembargo a tene esaki den un formato mas chiquito esta un Christmas Dinner. E anochi tabata uno cu hopi ambiente. Presidente di e organisacion Sr Endy Croes a hiba palabra gradiciendo tur presente splicando cu por mira atras riba un aña exitoso conquistando 2 titulo nan di mas importante atrobe tanto Champ of the Champs 2017 cual porcierto Royal Power a derota Mariners 1-0 den un wega yena cu hopi emocion y sigur un señor final pa fanaticada y tambe a bolbe ripiti reteniendo nan titulo campeon AA fastpitch Aruba.

Esaki ta di 13 campeon di fast pitch den 14 aña participando cual sigur ta un record na Aruba. Alaves Royal Power a logra titulo nan personal manera Champion Pitcher Jomark Flanegin cu 8-1, Champion Homerun Kelvin Silvania cu  6, titulo di mvp den Champ of the Champs pa nombre algun.

Mester papia riba cosnan cu a bay menos bon tambe por ehempel Copa Noord pero lo yama un reunion den Januari pa cu esaki.  Tambe Endy a splica cu aña 2018 ta bay ta yena cu actividadnan unda entre otro ASB lo importa 5 pitcher di un nivel halto y lo duna 5 equipo miembro di ASB un pitcher y asina lo hunga un Liga Especial promer cu campeonato official. Royal Power lo milita den e Liga Especial pa promer biaha.

Esaki ta pa nos bateadornan siña custumbra y mira lansamentonan di un nivel internacional y mas halto. Pa locual ta trata Champ of the Champs 2018 esaki lo tuma lugar 25 Juni pa 1 di Juli. Tin 5 equipo internacional cu a confirma caba cual lo hasi Champ of the Champs 2018 uno hopi interesante.

Royal Power lo bay efectua un biahe pa competi contra poco equipo fuerte den exterior. Directiva di SV Royal Power ta gradici tur patronisadornan kendenan semper a kere den e  famia di Royal Power.

Un Bon Pasco ainda  y Feliz Aña 2018. Riba e potretnan por aprecia poco di e anochi amabel.

- Advertisement -

DUNA COMENTARIO

Please enter your comment!
Please enter your name here