Home arte y espectaculo Fundacion CINEARUBA colaborando cu UNICEF

Fundacion CINEARUBA colaborando cu UNICEF

10
0
SHARE
- Advertisement -

Encuanto proyecto local di derecho di mucha

ORANJESTAD  (AAN):  Siman cu a pasa Cineasta Juan Francisco Pardo di Fundacion CINEARUBA a atende na un encuentro cu UNICEF na Sint Eustatius tocante un proyecto local di derecho di mucha.

Tanto Aruba, Corsou, Bonaire, Sint Eustatius, Saba y Sint Maarten ta participando na e proyecto aki cu ta un festival di cine cu e obhetivo pa siña e muchanan tocante nan derechonan.

E ‘Unicef Children’s Rights Film Festival’ lo uza creatividad pa haci e muchanan conoce nan derechonan. Alumnonan di scolnan basico lo dibuha loke pa nan e derechonan ta representa.

E dibuhonan aki lo wordo exhibi y despues di selecta un ganador di cada scol, señor Pardo den su rol como ‘filmcoach’ lo traha un script conhunto cu e klas a base di e dibuho selecta y di aki lo filma e pelicula.

Total lo tin cuater pelicula cortico cu lo competi durante e ‘Unicef Children’s Rights Film Festival’ local.

E ganador di Aruba lo competi conhunto cu e ganador di Corsou y Sint Maartin durante Curaçao International Film Festival Rotterdam na april 2018.

E proyecto lo inicia na januari. Pa mas informacion tocante e proyecto aki por bishita e pagina http://www.krff.nl/

- Advertisement -

DUNA COMENTARIO

Please enter your comment!
Please enter your name here