Home Social Fundacion HARPA a organiza fiesta cultural

Fundacion HARPA a organiza fiesta cultural

74
0
SHARE
- Advertisement -

Na Hulanda

ORANJESTAD  (AAN):  Harpa ta un fundacion cu apenas 2 luna bieu, unda e bestuur ta consisti di studiante di Aruba y un persona grandi di edad y cu ta bou guia di departamento Cultural di Cas di Aruba. Nan lo sigui organisa evento cultural pa hoben y grandinan, temanan educativo y lo participa tambe den tereno social.

E evento aki a wordo subsidia door di municipio di Den Haag. E meta cu nan tin pa promove nos cultura bou di e studiantenan na Hulanda a bira un hecho. Studiante y persona mas grandi a participa na e evento.

Wethouder di ‘Sociale Zaken, Werkgelegenheid, Wijkaanpak en Sport’, di municipio Den Haag, sr. Rabin Baldewsingh a presencia e anochi cultural aki y a gosa con nos Arubianonan ta celebra habrimento di aña na Aruba.

Señora Nuris Dabian a lesa un discurso den nomber di Ministro Plenipotenciario di Aruba, Guilfred Besaril cu pa motibonan di compromiso no tabata por ta presente. HARPA a entrega wethouder un plakaat como gradicimento pa tur su añanan como wethouder, specialmente como un persona cu a haci hopi pa migrantenan y nos ciudadano di Reino Hulandes.

E participantenan entre otro tambe studiantenan a duna un aporte na e fiesta cultural aki. HARPA a ricibi hopi bon comentario pa diferente persona y fundacion na Hulanda. Hasta presidente di Platform Alochtoon Ouderen (PAL) tabata presente. PAL ta un plataforma renombra y uno grandi na Den Haag y cu ta traha bou di auspicio di municipio di Den Haag.

Tur presente a admira con e grupo di studiante a logra organisa nan prome actividad di e magnitud aki. E huradonan cu tabata encarga pa eligi e ganador pa e anochi aki tabata consisti den personanan conoci den nos comunidad, manera Lidwina Booi, Jacky Wever, Alwin Toppenberg y Jair Versprey. E participantenan a wordo compaña pa e banda tremendo di ClasiX, di Alvin Marchena.

Ganadornan di e Dande Festival ta e siguiente:

Di tres lugar, Gilia Croes, di dos lugar Xavier Geerman y e ganador di e anochi aki a keda na Miro Ridderstap, un amante di nos cultura na Hulanda.

Fundacion HARPA kier a gradici tur media na Aruba cu a duna nan aporte indirecto di divulga e Dande, unda nan colabora pa e informacion yega na nos Arubianonan na Hulanda.

- Advertisement -

DUNA COMENTARIO

Please enter your comment!
Please enter your name here