Home Social Fundacion Sostene Mi tin 110 caso di abuso di mucha cataloga como...

Fundacion Sostene Mi tin 110 caso di abuso di mucha cataloga como “dead red”

28
0
SHARE
- Advertisement -

Parlamentario Sue-Ann Ras:

ORANJESTAD (AAN) – Den conferencia di prensa di fraccion di Partido Movimiento Electoral di Pueblo (MEP), Parlamentario sra. Sue-Ann Ras a duna di conoce cu recientemente e fraccion tabata tin un reunion cu Bureau Sostene Mi.

Durante e encuentro aki e fundacion a trece dilanti algun dato alarmante. Te aworaki Bureau Sostene Mi a bisa cu te aworaki tin 208 melding cu a drenta di cual 110 caso ta “dead red”. Esaki kiermen cu 110 caso hunto cu e 60 cu ta pega na Ministerio Publico ta indica cu nos tin muchanan cu ta den peligro formal.

E dama a acentua cu tur cos ta tranca pasobra e structura y e maneho no ta canando manera mester ta.

“Bureau Sostene Mi tin un lista di spera di 103 caso. Esaki pa e simple motibo cu e problemanan aki no a haya oido y nan ta gritando for di hopi aña caba, y sigur cu e directora dinamico cu nan tin for di 2014 te aworaki, ta gritando cu tur esaki ta pa falta di personal. Varios biaha esaki a bin dilanti y esaki ta conta tambe pa tur instancia cu ta traha cu muchanan, por ehemplo Voogdijraad y Sociale Zaken. Nan tur ta dunando e mesun señalnan, na unda falta di personal, falta di profesionalismo, falta di structura y maneho, no ta logrando pa traha cu tur e problemanan social cu nos tin aworaki, cu nos por considera cu nos ta hinca den un crisis social nacional”, Parlamentario sra. Ras a subraya.

E parlamentario a indica tambe cu den e Policlinica tin 700 mucha riba lista di spera, pa haya tratamento for di Psiquiatra.

Tambe na Voogdijraad pa un hende haya un psicologo ta tuma entre seis pa nuebe luna, pa un yuda haya su atencion psicologico.

Pero esaki ta listanan cu ta mustra cu ya den e transcurso di añanan ta birando demasiado, y si no actua aki, y si no armoniza e maneho di ancra cosnan den ley, e problemanan ta bay bira hopi mas grandi cu aki un par di tempo no por bay trata tur esakinan mas.

“Nos tin cu traha hopi mas preventivo. Mester bin cu plannan nacional preventivo pa nos por yega na e parti curativo. Den e caso aki (refiriendo na e dos muchanan) nos kier castiga, pero ta mihor nos cuminza concentra den e parti, con nos por preveni cierto cosnan”, e Parlamentario a señala.

 

- Advertisement -

DUNA COMENTARIO

Please enter your comment!
Please enter your name here