ORANJESTAD(AAN)— Diahuebs anochi na Crystal Theater na Renaissance tabata hopi special pa e comunidad di film Arubano.
E di cuater edicion di Aruba Short Film Festival a conta cu un publico grandi cu a bin apoya y vota pa nan film preferi. Tur participante a produci filman riba nivel. Varios di nan a yega di participa den edicionan anterior.
E biaha aki algun a hasta participa cu 2 film.
Filmnan cu a participa ta: Desvia, Touch, Happy Birthday, Like & Share, E Tesoro, Sorry Mami, Discarded, Franse Pas y Mama ta keda Mama.
E miembronan di hurado tabata: Charles Croes, Ayrton Tromp, Armando Goedgedrag, Juan Torres y Meike Lindsen. Nan tabatin dificultad pa scoge e ganadornan.
E resultado di 2017 ta: —- Aruba Short Film Festival 2017: People’s Choice Best Film: Like & Share
Aruba Short Film Festival 2017:— Best Actress: Sabrina Tromp
Aruba Short Film Festival 2017:—- Best Actor: Michael Wilson
Aruba Short Film Festival 2017:—- Best Producer: Sorry Mami
Aruba Short Film Festival 2017:— Best Film: Like & Share
