Home Gobierno Gobierno a anuncia dos cambio den implementacion di sistema nobo na DIMAS

Gobierno a anuncia dos cambio den implementacion di sistema nobo na DIMAS

384
0
SHARE
- Advertisement -

ORANJESTAD (AAN): Gobierno pa medio di ministerio di Husticia encarga cu integracion diamars atardi a anuncia maneho nobo pa DIMAS.

Segun directora di DIMAS, Señora Kathy Ruiz-Paskel, den e proceso pa wak con ta bay atende cu diferente reto cu DIMAS ta encontra pa cu implementacion di un sistema nobo desde prome di september, a haci algun recomendacion na Minister di Husticia mr. Andin Bikker.

E siman aki ta asina leu cu lo comunica dos cambio. Esey no kiermen cu ta e cambionan final pero ta bay tin un evaluacion di maneho y esey lo anuncia na su debido tempo. E prome cambio di e dosnan ta, cu e grupo di e personanan  cu na momento cu nan tin un aplicacion pa prome permiso na DIMAS y pendiente riba contesta riba esaki, e persona por keda Aruba sperando riba e contesta final.

E gruponan cu ta cay bou di e cambio aki ta esunnan cu no ta haci un peso riba mercado na e momento aki y cu tin un contribucion grandi na Aruba su economia.

Hunto cu Minister di Husticia mr. Andin Bikker a delinea e siguiente maneho cual ta encera cu, personanan cu aplica como inversionista, personanan cu aplica como rentista, pensionado, stagiaire pero tambe personanan casa cu personanan local nan y nan famia por keda na Aruba mientras cu DIMAS ta trata e prome peticion. Pa loke ta maneho di gobierno cu ta vigente, ta keda aplicabel cu ta encera e prome peticion.

E persona aki mester warda riba su permiso den exterior. Pa loke ta e di dos parti, DIMAS den un periodo tabata ocupa pa wak kico haci cu e parti di estadia cortico. E parti aki mester ta un tarea cu DIMAS mester keda cune of esaki mester pasa pa IASA. Segun directora di DIMAS, a yega asina leu cu a dicidi hunto cu Minister mr. Andin Bikker, anuncia awe cu prome di Januari 2018 e servicionan di estadia cortico riba nos isla y e parti di control di garantia lo pasa pa IASA.

Directora di DIMAS a anuncia cu tur loke DIMAS tin den proceso cu a entrega prome cu e fecha di awe 12 di december, a bin cu un maneho nobo pa e personanan cu a aplica ta haya standard loke cu a pidi contal cu e no sobrepasa e cantidad di dianan maximo permiti pa ley. Por ehemplo si a pidi pa haya 60 dia adicional riba loke a haya caba na Inmigracion, e persona aki por haya por lo general un total di 90 dia.

Tambe directora di DIMAS a splica cu nan tin casonan di hendenan cu tin propiedad na Aruba manera timeshare, botonan di un cierto grandura, pa nan e mesun reglanan anterior a keda vigente. Nan por haya 180 dia consecutivo na entrada y esey no a cambia.

Esaki ta keda aplicabel y solamente pa e grupo cu a haci peticion y pa motibonan tecnico cu DIMAS no a haya contesta, por lo tanto lo cera esaki nan cu un toekenning di e peticion. Entrante Januari 2018, lo tin otro regla y manehonan aplicabel.

Esey ta e dos cambionan principal segun directora di DIMAS y fuera di esey DIMAS lo keda duna Minister di Husticia informacion riba ahusta den nan maneho cu por sirbi e proposito grandi.

 

 

- Advertisement -

DUNA COMENTARIO

Please enter your comment!
Please enter your name here