Home Gobierno Gobierno cu ta respeta su mes ta haci acuerdo realistico y cu...

Gobierno cu ta respeta su mes ta haci acuerdo realistico y cu por cumpli cu nan

145
0
SHARE
- Advertisement -

Minister Otmar Oduber:

ORANJESTAD (AAN): Durante prome tanda di reunion den Parlamento pa trata Presupuesto pa Pais Aruba di 2017, Minister Otmar Oduber a mustra riba e hecho cu e Gobierno saliente conscientemente a laga Pais Aruba cu mas di 130 miyon Florin di deficit.

‘Cu hopi atencion mi a scucha e diferente remarcanan cu a worde treci dilanti pa e diferente miembronan di Parlamento. Tur remarca haci tabata rond di e mesun tema di 130 miyon Florin di deficit cu tin. Un deficit cu e Gobierno a purba tapa, manipula y sconde.’

Un Gobierno cu ta respeta su mes y cu ta haci acuerdonan (den e caso aki cu Hulanda), tin deber pa cumpli cu ne. Ora a sinta pa forma e Gobierno aki, tanto partido MEP POR y RED a bisa cu si ta yega na acuerdonan den futuro, esakinan lo ta acuerdonan realisabel y cu realmente Gobierno lo por cumpli cu esakinan.

Minister Oduber a sigui splica cu e tabata forma parti di e Gobierno anterior y a wak e manipulacionnan ta tuma luga. Un di su prome bishitanan na sr. Gobernador tabata relaciona cu e topico di finanzas, pa motibo cu no tabata atende cu e presupuesto na un manera duradero y tabata haci uzo di fondonan incidental pa purba cumpli cu CAFT. A trata na busca informacion di e situacion financiero na momento cu tabata den formacion di Gobierno, sinembargo ni documento e departamento por a saca sin ricibi acuerdo di e Minister e tempo ey.

Algun ehempel di mal maneho di presupuesto:  Ministerio di Husticia anterior a sobrepasa su presupuesto cu mas di 6.3 miyon Florin, cual no tabata debi na overtime di miembronan di Cuerpo Policial of di CEA cu ta traha hopi duro pa percura pa mantene ordo y seguridad, sino door di un sin fin di nombracion y abuso durante ultimo tempo.

Band’i  esaki, Gobierno a indica cu ta haya entrada di Refineria di Aruba (RDA), y cu lo haya 73 miyon di RDA, un suma cu keto bay no a drenta, sinembargo si a gasta e 73 miyon aki. A gasta e placa prome cu a ricibie y awor e esx Ministernan den oposicion awor, ta puntra si Gobierno lo haya e placa aki den futuro. Mientras cu nan sa exactamente den ki situacion nan a laga e finanzas di e Pais aki.

- Advertisement -

DUNA COMENTARIO

Please enter your comment!
Please enter your name here