Home Comercio Gobierno di Aruba a reuni cu Camara di Comercio y lo tuma...

Gobierno di Aruba a reuni cu Camara di Comercio y lo tuma decision importante

41
0
SHARE
- Advertisement -

Prome Minister Evelyn Wever-Croes:

ORANJESTAD (AAN): Diaranson merdia tabatin e prome encuentro entre Gobierno di Aruba y e board di Camara di Comercio na unda Presidente Ernst Mohamed tambe tabata presente.

Pa Gobierno di Aruba tabata presente Minister Chris Romero y Minister Dangui Oduber. Un reunion cu a bay den hopi bon ambiente na unda Camara di Comercio a demostra e preocupacion cu nan tin pa e problemanan di nos comunidad y con nan lo contribui na e solucionnan necesario.

Prome Minister Evelyn Wever-Croes a sigura Camara di Comercio cu pa Gobierno di Aruba ta hopi importante cu decisionnan importante pa nos comunidad worde tuma cu e conseho y envolvimiento di tur e partners den nos comunidad y pa loke ta trata e tema economico di nos pais, Camara di Comercio ta un partner hopi importante.

Diferente tema a worde trata incluyendo temanan economico, social y di salubridad.

Camara di comercio e entrega Gobierno un documento cu nan puntonan di preocupacion y e solucionnan cu Camara di Comercio ta sugeri.

Camara di Comercio a keda hopi contento cu e encuentro y a comenta cu di nan banda nan no a pensa cu e reunion lo tuma luga debi cu nan experiencia cu e gobierno anterior tabata cu constantemente tabata cancela nan reunionnan. Pero Gobierno di Aruba actual a mustra e seriedad pa trece cambio y un di e cambionan ta pa envolvi nos partners den decisionnan importante di gobierno.

E tema di economia tabata un tema di prioridad pa ambos gobierno y Camera di Comercio pa motibo cu nos tin un economia stagna. Un di e problemanan ta e burocracia grandi cu tin ora cu tin mester di un vergunning pa lanta un compania y lanta un cuenta na banco y tambe e falta di leynan cu mester tin pa stimula nos economia.

Otro tema importante tabata con pa crea mas entrepreneurs hoben cu tin den nos comunidad cu ta canando cu hopi ideanan creativo y innovativo cu nos mester pa boost nos economia pero no ta haya e sosten y ayudo nesecario pa por logra. E idea aki cu ta yama incubator ta un idea cu Gobierno di Aruba ta comparti y lo purba yuda tur esnan cu tin un idea nobo pa lanta un negoshi y bira exitoso teniendo na cuenta cu den cada idea ta contribui mas cu e crecemento economico.

Ta e idea tambe pa busca inversionistanan di afo pero nos lo concentra prome riba nos hendenan local cu tin suficiente talento y interes pero ainda falta e empuhe di parti di gobierno pa yuda cada un cu ta biba na Aruba y cu kier ta un entrepreneur pa bira exitoso.

Prome Minister Evelyn Wever-Croes a keda hopi satisfecho cu e prome encuentro aki cu Camara di Comercio y mas cu claro a bisa cu esaki lo no bay ta e unico reunion y cu Gobierno di Aruba lo envolve Camara di Comercio den decisionnan importante como un partner importante pa nos pais.

- Advertisement -

DUNA COMENTARIO

Please enter your comment!
Please enter your name here