Home Gobierno Gobierno di coalicion su meta tabata, ta y lo sigui ta: “Pone...

Gobierno di coalicion su meta tabata, ta y lo sigui ta: “Pone e ser humano central”

91
0
SHARE
- Advertisement -

Prome Minister Evelyn Wever-Croes:

ORANJESTAD (AAN)— Minister Presidente sra. Evelyn Wever-Croes, a expresa den conferencia di prensa Diahuebs, cu hopi hende a kere cu gobierno su preocupacion mas grandi ta e aspecto financiero; esaki ta un parti sigur, pero tambe hopi importante ta e aspecto social. El a haci enfasis cu den tur sentido, gobierno a fiha su meta den pone e ser humano central.

“Apenas algun dia den gobernacion nos a wordo confronta, di biaha, cu un di dos crisis. Y esey ta e crisis social. Algo cu mi ta kere, nos tur tabata sa cu e ta pasa na Aruba pero ora cu nos a wordo confronta cu e morto cruel di e dos angelitonan, Rishandro y Eugene, ya caba nos tabata ta cu, manera nos ta bisa den Papiamento crioyo, e awa a pasa harina”, e dignatario a expresa.

“Si ainda tabata tin hendenan cu tabata pensa cu ta e tema financiero tabata nos preocupacion mas grandi, mi ta kere cu, cu e acto aki, e morto cruel di e dos hobencitonan aki, ya tur hende tabata di acuerdo cu e tema social mester haya atencion”, e mandatario a agrega.

El a acentua cu ya nos no por hala mas di e tema aki y haci comosifuera e no ta pasa. “Pone e ser humano central tabata nos compromiso, e ta nos compromiso, y lo sigui ta nos compromiso y diligentemente nos a atende cu e tema aki, y ta poniendo tur esfuerzo hunto pa realmente pone e ser humano central, cuminzando cu nos muchanan, pa duna nan atencion, cariño y oportunidadnan den bida. Y esey ta locual ta bay tipifica tambe e añanan nos dilanti. E ser humano central y haci Aruba sigur, un biaha mas. Un lugar dushi pa biba, un lugar unda nos por lanta nos yiunan den trankilidad. Un lugar cu ta brinda oportunidad na nos hobennan: oportunidad di estudio y empleo. E oportunidadnan ey tambe pa nos mamanan soltero y cuido digno pa nos grandinan”, Prome Minister a señala.

 

- Advertisement -

DUNA COMENTARIO

Please enter your comment!
Please enter your name here