Home Economia Greg Peterson di Free Zone kier sinta cu gobierno pa mira maneho...

Greg Peterson di Free Zone kier sinta cu gobierno pa mira maneho nobo di economia

27
0
SHARE
- Advertisement -

ORANJESTAD(AAN): Greg Peterson cu ta director di Free Zone a splica cu tin un gobierno nobo cu a bin sinta awo. Kier sinta hunto cu nan pa wak e maneho nobo di economia.

Freezone ta ongoing y ta haciendo nan marketing. Nan tin nan sistemanan eyfo. Tin clientenan cu ta biniendo cerca nan. E ta ongoing. Pero awo tin cu bay sinta wak tambe cu e gobierno nobo kico nan kier haci cu pais Aruba, den e sentido di haci negoshi den e region. A base di esey ta wak si por pone schouder cu schouder pa mira con por yuda promove e Freezone mas. A desaroya nan producto.

A ampli’e, pero awo tin cu bay wak tambe si tin cierto parti di legislacion tambe cu ta na Directie Wetgeving. Tin cu wak si e Gobierno nobo ta interesa den esaki of kier bay den un otro rumbo. Tur e cosnan aki ta preguntanan cu no tin contestanan riba nan e momentonan aki. Na momento cu sinta cu minister nobo, lo tin intercambio riba esaki.

Den Freezone tin tres tipo di negoshi en general y 44 compania. Tin trade services y light industrial activities. E trade semper tabata esun mas grandi. Services a cuminsa pickup. Tin cantidad di beginners cu a habri compania e ultimo dos añanan y ta positivo cu nan. Tin tambe e parti di light industrial activities. Tin algun compania den e sector eynan tambe. Pero lamentablemente no a divulga informacion encuanto e companianan mes. E tres ramonan aki ta e ramonan di Freezone.

Greg Peterson a splica cu e sistema di bin cu un cierto cuadro, un cierto raamwerk di proteccion pa e tipo di negoshi, ta e trademark di Aruba. Aruba a haci su best. El a yega te na e nivel mas halto di mundo di FATF pa e regulacion di zona liber. Hasta modelo cu nan tin ta riba mesa na FATF como proposito con tur Freezone tin cu funciona. Awendia no por neglisha e tipo di cosnan aki y Aruba tabata un di e frontrunners den esey.

Ta papiando casi rond di aña 2002/2003 cu tabata tin tur cos implimenta. Aruba ta conoci pa esey. E aña aki mes, un di e empleadonan a bay Merca, riba invitacion, pa papia cu diferente pais Latino, con pa drecha nan zona liber, pasobra nan sistema di combatimento di diferente grensoverschreiding criminaliteit. Ta hopi positivo den esey. E mundo di business di freezone tambe a cambia.

Antes e tabata hopi mas losbandig, etc. Awendia e ta basta streng controla y tin cu traha hopi serio cu e banconan, cu Banco Central, cu diferente instancia. Un biaha mas, nan sistema ta na su luga. Aruba semper tabata un frontrunner den esaki y ta hopi orguyoso di esey tambe.

 

- Advertisement -

DUNA COMENTARIO

Please enter your comment!
Please enter your name here