Home General Hopi bendedor cu posibilidad di no haya permiso e aña...

Hopi bendedor cu posibilidad di no haya permiso e aña aki pa bende clapchi

190
0
SHARE
- Advertisement -

ORANJESTAD(AAN): Diabierna a tuma lugar un conferencia di prensa relaciona cu bendemento di clapchi, unda cu Rubin Ponson di departamento di explosivo di DOW a trece dilanti cu tur aña prome cu traha e permisonan di venta pa clapchi, tur e permisonan ta wordo revisa pa tur e departamentonan cu ta den e comision.

E aña aki no ta un excepcion y tin varios permiso cu e aña aki no por wordo duna mas.

Motibo ta entre otro cu no lo a cumpli cu cierto reglanan aña pasa, of e aña aki nan lo no por cumpli cu e reglanan.

“Nos a tene reunionnan tambe cu e importadornan y e bendedornan y apesar cu ta fastioso pa bisa, e cantidad di hende cu ta presenta na e reunionnan aki ta hopi tiki compara cu esnan cu ta pidi pa e permiso”.

“Asina e mensahe no ta yega completo na e bendedornan y quizas nan no a scucha locual a wordo papia den e reunion y esaki ta hasi cu consecuencia por ta cu nan lo no haya e permiso cu nan kier”.

Esaki segun Ponson, kende a sigui bisa diferente permiso e ora ey lo no wordo otorga e aña aki.

 

- Advertisement -

DUNA COMENTARIO

Please enter your comment!
Please enter your name here