Home Hudicial Hues no ta compronde e accion di presidente di parlamento contra Speed...

Hues no ta compronde e accion di presidente di parlamento contra Speed Andrade

178
0
SHARE
- Advertisement -

ORANJESTAD(AAN): —Pa mas of menos 3’or a drenta e decision di corte den e caso sumario cu Nelson Andrade a entama contra gobierno di Aruba y/of Parlamento di Aruba pa un decision cu Parlamento a tuma pa prohibi pa drenta e facilidadnan, edificio di Parlamento durante tres luna largo como sancion, castigo, medida disciplinario, pasobra el a critica e presidente di parlamento y/of su maneho durante un noticiero na radio, na canal 90, y e ora el a dicidi cu no mag di drenta e edificio di Parlamento.

Abogado David Kock tabata den corte, den e caso sumario y el a splica cu “awe sentencia a cay, den 24 ora di tempo”. El a splica cu e ta sumamente contento cu e veredicto aki. Si les’e precies, no solamente tabata bisa, sino loke a demanda y spera despues di tratamento di ayera. Ta importante pasobra e caso aki tambe ta trata hopi di principio, principio di ley.

Te unda autoridad di presidente di parlamento ta bay. Kico ta su bevoegdheden nan y ki limitacion ta pone riba un persona, sea un ciudadano comun y coriente, pero specialmente y a dedica un parti na esey, na ora ta trata di un periodista, caminda cu e ta bisa cu periodistanan mester ta esun cu ta molestia. Tin cu ta molestia mas cu otro. Y no ta pesey mester tuma e accion asina contra dje.

Ta sumamente importante e puntonan huridico. Mester haci distincion hopi entre regla y sancion. Ley cu ta conta pa tur hende, tambe pa parlamento, e presidente di parlamento ta bisa cu e por pone regla na hendenan cu ta bishita parlamento. Esta con nan ta bin bisti, kico nan mag di haci ora nan ta eynan.

Pero e no ta bay asina leu di duna un prohibicion y un prohibicion den sentido di manera straf y prome cu algo sosode. Loke cu sr. Andrade a haya ta un straf preventivo, pasobra e ta kere cu e no lo bay cumpli cu cierto reglanan. E regla mes cu e tambe kier a pone hasta, cu prome algo mester pasa mester tin openbare orde cu ta wordo neglisha door di e persona cu ta den Staten pa ora e por sak’e.

Pero e no por saca e persona di antemano. Ta un clarificacion hopi importante. Den nos regionnan, e leynan cu ta wordo traha aki, no tin mucho pa cay bek riba dje di bay busca kico tabata e splicacion, kico ta e limitacion. Esaki e limitacion a wordo hopi bon y skerpi poni.

 

- Advertisement -

DUNA COMENTARIO

Please enter your comment!
Please enter your name here