Home Economia Idea: Workshop pa SMEs un biaha mas bon atendi

Idea: Workshop pa SMEs un biaha mas bon atendi

10
0
SHARE
- Advertisement -

ORANJESTAD(AAN)– Idea (Iniciativa pa Desaroyo pa Empresa Arubano), como parti di Departamento di Asuntonan Economico, Comercio y Industria, a organisa e “Basic Workshop on the Importance of Trademark for SMEs”. E orador di e workshop tabata Sra. Wini Dirksz, Trademark Specialist cu tin 30 aña di experiencia riba e tereno aki. Sra. Dirksz su meta ta pa sigui conscientisa e empresarionan chikito y mediano (SMEs) riba e tereno aki.

Den e workshop aki sra. Dirksz a pone hopi enfasis riba tur loke ta permiti como Trademark, e criterianan pa entrega un peticion pa Trademark y ki ora e ta honra e peticion. Tambe sra. Dirksz a splica riba e ley di marca (merkenverordening). Un workshop sigur hopi informativo, interactivo y un tremendo presentacion di parti Sra. Wini Dirksz.

Un total di 18 persona a participa den e workshop menciona. Idea ta sumamente contento cu e contenido y acogida di e workshop y tambe di e bon comentarionan ricibi di su participantenan. Tambe Idea kier remarca cu nan workshopnan ta gratis y ta dedica na un y tur cu kier cuminsa un negoshi of tin un negoshi existente y kier educa nan mes riba diferente topico comercial.

Un danki na tur e participantenan y un danki special na e presentadora voluntaria cu a comparti su experticio durante su ora liber cu tur esnan presente. Idea ta gradici ‘Gianni’s Group N.V.’ inmensamente cu nan a sponsor Idea cu un giftcertificate pa e presentadora y tambe un gradicimento pa tur e coleganan di DEZHI cu a yuda na un of otro manera.

Keda pendiente pa mas workshop den aña 2018 organisa door di Idea. Bo kier keda up-to-date cu Idea?  Abo tin un Idea? Haci bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.

- Advertisement -

DUNA COMENTARIO

Please enter your comment!
Please enter your name here