Home Social Inovacion y adaptacion tambe ta presente den Famia Planea

Inovacion y adaptacion tambe ta presente den Famia Planea

13
0
SHARE
- Advertisement -

ORANJESTAD(AAN): Famia Planea a bin ta innova, cosnan a cuminsa cambia cu a trece cun’e cu nan ta adaptando tur nan materialnan pa loke ta trata nan tayernan, ya cu nan kier traha mas riba por ehempel e proyecto di sustainable development goals, unda cu a sa di sigui esaki y tambe poco poco implement’e den tayernan pa asina tambe contribui na e desaroyo y loke ta trata comunidad di Aruba den varios aspecto, vooral e aspectonan cu nan ta traha cun’e.

Por mira un crecemento danki na e tayernan. Pasobra nan ta dunando mas y mas tayer. Tin ora e tempo ta cortico, pero tin ora tin varios school ta pidi tambe, e ora ta schedule esaki. Pero mas cu claro no ta pa un klas, sino pa full e school. Esey tambe ta loke mas y mas a bin ta worde introduci cu tur e adaptacionnan y cosnan nobo.

Ora un school ta acerca Famia Planea, ta pa duna charla y adapta na tur edad. Di 1ste te cu 4de klas di un MAVO school, pero tambe tin varios school cu ta haci un programa anual cu Famia Planea. Esey ta nifica cu ta bishita nan cada 3 luna, cu topiconan interesante manera cambio di curpa y higiena. Tin e parti di anticonceptivo y crecemento. Tin e parti di sexualidad en general y vooral tur loke tin di haber cu weganan sexual, e cambionan cu ta tumando luga.

Ora un mucha ta cambia, ora un hoben ta cambia, e no ta solamente su curpa ta cambia y ta tuma nota di esaki. E ta cambia den diferente aspecto, aspecto emocional, social y mas cu claro tambe cognitivamente.

E ora ey ta haya cu si tin e oportunidad pa por duna un aporte den e crecemento aki, ta cuminsa wak cu poco poco pero sigur, tin hobennan mas conciente y hobennan, ora cu ta trata nan salud sexual, ora ta trata di sexualidad, ora ta trata cambionan di curpa, nan sa informacion corecto di dje. E ora ey ta haci uzo di tur loke tambe Famia Planea ta ofrece.

No solamente ta bay school duna charla y te eynan e ta keda. Mas cu claro, den e charla mes, ta enfoca pa trece dilanti cu ta brinda guia y sosten den loke ta trata aspecto di salud sexual, sexualidad, pero tambe loke ta trata e aspecto di tur loke tin di haber cu cambionan di curpa y tur loke tin di haber tambe cu nan desaroyo mas y mas cu nan ta keda crece.

Mas cu ta cambiando, mas innovacion ta tumando luga, mas proyecto ta cuminsa worde brainstormed, pa asina finalmente por sigui aporta na loke ta importante pa Famia Planea, cu ta e salud di muchanan, hobennan y finalmente adultonan.

 

 

- Advertisement -

DUNA COMENTARIO

Please enter your comment!
Please enter your name here