Home Deporte Jaguars ta elimina Tanki Leendert Girls y ta pasa pa final pa...

Jaguars ta elimina Tanki Leendert Girls y ta pasa pa final pa topa Aruba Bank Lady Tigers

23
0
SHARE
- Advertisement -

ORANJESTAD (AAN ) – Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua den gran forma riba veld di Pos Chiquito.

Diasabra ultimo e equipo femenino Jaguars Vitamin Water maneha pa Rayborn Didder ta logra elimina e equipo hoben Tanki Leendert Girls maneha pa Rubia Ras. Jaguars a baha fuerte riba muchanan di Tanki Leendert Girls propinando nan un knock out di 12-2 y asina tambe caba cu tur speransa di Tanki Leendert Girls y ta pasa pa final.

Jaguars Vitamin Waters kendenan porcierto ta invicto den campeonato 2017 lo enfrenta e equipo di Aruba Bank Lady Tigers. Dos equipo cu diferente aña a logra topa otro den final unda ambos a yega di derota otro den final pa reclama e titulo maximo. E tono a wordo poni atrobe y esaki lo inicia diabierna awor pa 715pm na veldnan na Pos Chiquito. Jaguars 12 careda, 14 hit, 0 error. Tanki Leendert Girls 2 careda, 7 hit, 3 error. Kathleen Emerenciana ta bay e ruta completo y ta bay cas cu e victoria mientras Eliane Kock kende ta releva Frangeline Danies ta resulta pitcher perdedor.

Mihor bateadornan pa Jaguars Vitamin Water ta Raquel Wester 3-3, Zuleika Peña 3-3, Milvienne Henriquez 4-2, Ludmila Geerman di 2-1. Pa Tanki Leendrt Girls a destaca na plato Mildred Kock 2-2 y Franziene Flanegin di 2-2. ASB ta invita henter pueblo di Aruba pa reserva diabierna, diasabra y diadomingo awor pa weganan di serie final AA Femenino na veld na Pos Chiquito. Softball femenino den su recta final.

- Advertisement -

DUNA COMENTARIO

Please enter your comment!
Please enter your name here