Home Comercio KvK ta haci un yamada na gobierno pa haya sa kico e...

KvK ta haci un yamada na gobierno pa haya sa kico e contrato cu Citgo ta bisa

301
0
SHARE
- Advertisement -

Presidente Ernst Mohamed:

ORANJESTAD (AAN) –Den un encuentro cu prensa, Ernst Mohamed, Presidente di Camara di Comercio y Industria di Aruba, a elabora tocante e contenido di e Contrato cu Gobierno y Citgo a firma cual KvK sa kico esaki ta bisa.

Sr. Mohamed ta haci un yamada na Gobierno pa duna informacion tocante esaki.

Mohamed a splica cu Camara di Comercio a haya un presentacion di parti di Sr. Alvin Koolman y semper nan tabata cauteloso cu esey, ya cu tabata tin un tiki retraso pa e Citgo Aruba habri.

El a subraya cu aworaki tin desaroyonan na Venezuela y por mira cu tin tanto problema eynan. Nan a aresta un di e grandinan cu awor ta cera. Presidente Maduro a nombra un amigo di dje, pa tuma PDVSA, y e preocupacion ey ta keda.

“ Lo mester bay busca informacion pa por formula un estrategia of un punto di bista, pero na e momentonan aki, no tin mucho optimismo, aunke na final di dia ta spera cu e habri toch, ya cu e lo trece mas entrada pa gobierno, y lo genera mas empleo, si ta bay emplea Arubianonan”, Presidente di KvK a expresa.

Camara di Comercio a haya mas inscripcion nobo, pero si por a wak cu algun compania cu tabata trahando eyden a wordo cumpra pa inversionistanan Venezolano, cu tabata tin experiencia den refineria. Pero ultimo temponan no a wak mucho inscripcion di empresanan cu ta bay traha den Citgo.  “Locual cu Camara di Comercio tin entendi ta cu tin algun cos ta para y algun trabao mester wordo haci prome cu start up. Aworaki ta den fase di evaluacion, kico mester wordo moderniza, kico mester wordo haci. Pero di parti di Camara di Comercio, nan kier wak un tiki mas siguridad” sr. Ernst Mohamed a subraya.

E unico cu por pone un poco mas presion, ta parlamento, riba Minister di Energia.

Segun Presidente di KvK nos prome Minister, sra. mr. Evelyn Wever- Croes, a mustra su preocupacion, ya cu nan no tin claridad ariba loke a wordo firma cu Citgo y esaki ta trece duda den e parti aki. Y e poco documentonan cu nan a haya, no ta mustra mucho positivo pa Aruba tampoco y esey ta locual cu comunidad mester biba cun’e.

Nunca ni un hende no a pone presion pa wak e contractnan. Anto nunca ni un hende a wak e contract.

“A keda discuti cu Prome Minister tocante e contrato di Citgo, cu Parlamento no a pone presion pa haya e contracto pa mire. E dudanan t’ey mirando tur loke ta pasando na Venezuela.

Mester wak cu Prome Minister kico lo bay pasa awo. Locual ta pasa na Houston y na Venezuela, tur ta factornan cu ta hunga un rol cu loke ta pasando na Aruba. Kico ta e seguridad, mirando tur cos cu ta pasando, cu ora e refineria ta cla, cu lo haya e crudo di Venezuela pa wordo procesa na Aruba y nos pais gana placa. Esey ta e contesta cardinal cu Camara di Comercio lo kier haya riba dje” segun sr. Mohamed.

 

- Advertisement -

DUNA COMENTARIO

Please enter your comment!
Please enter your name here