Home Comentario Laga cada cumprador haci su escogencia

Laga cada cumprador haci su escogencia

47
0
SHARE
- Advertisement -

Opinion

Hopi ta critica cu ora un Arubiano haci algo, nunca e ta wordo elogia. Y esey mi por bisa awor cu ta berdad.

Mi yiu Damilice Mansur ta un yiu di tera, naci aki nan y un mucha cu semper tabata tin stimacion pa fotografia y amor pa su pais.

Cu hopi dedicacion el a traha un buki cu nos tradicionnan den dje y cu potretnan masha bunita mas pa asina esaki bira un buki di recuerdo pa bishitantenan cu bin nos Pais, pa asina nan keda corda un pida chiquito di nos historia.

Pero pa su gran sorpresa ora esnan encarga pa bay na lugarnan specifico pa benta di e buki aki, nan ta haya como contesta un “No”, nan no por bende y ta duna un of otro excusa no valido.

Tur e tiendanan cu tin monopolio na Aruba a bisa cu nan tin nan mes un buki di Aruba, entre otro tambe departamento di turismo, y nan no kier bende nan pa mes un motibo. Pero mester duna e cumprador e opcion pa scoge locual e kier cumpra.

1 — E buki aki no ta copia, e ta un buki original.

2– E ta un buki tanto educativo como un promocion pa nos Pais Aruba.

3– E ta parti di nos historia di Aruba.

4– E ta traha pa un yiu di tera.

Acaso esaki no ta un motibo pa apoya nos mesun yiunan di tera cu un asina bunita proyecto?

Kico mester wordo haci pa comercio balora nos yiunan di tera?

Cu e negativismo cu ta reinando y envidia cu tin actualmente, nos yiunan di tera tin miedo di bin cu proyectonan nobo pa Aruba. Pasobra si bo ta di un persona stranhero bo ta wordo mas balora cu un Arubiano mes.

Productonan di exterior ta wordo prome balora cu esnan di Aruba.

E mentalidad di nos hendenan mester cambia y cuminza balora loke ta di nos y asina duna un apoyo na tur nos yiunan di tera cu ta bin cu bunita proyectonan pa Aruba y stimula nan pa asina sigui traha mas di nan bunita ideanan cu lo beneficia tanto nos hendenan cu a hinca tanto tempo den nan proyecto, como Aruba cu lo beneficia di e promocion cu e ta sigui haya den exterior. Wel sigui apoya e souvenirnan cu ta bin di afo y e mayoria di e doñonan cu no ta Arubiano.

Di parti Arubiano, nos ta desea pueblo di Aruba un Bon pasco y Feliz Aña Nobo. Salud y bendicion pa tur.

Masha danki

Nuhad Mansur

- Advertisement -

DUNA COMENTARIO

Please enter your comment!
Please enter your name here