Home Enseñanza Lillyputters lo celebra 40 aña di existencia

Lillyputters lo celebra 40 aña di existencia

20
0
SHARE
- Advertisement -

ORANJESTAD (AAN): Dia 3 di Januari, Lillyputters lo cumpli nan di 40 aniversario, y segun directora di Lillyputters, Señora Lilly Arends, nan lo celebra esaki den grandi!

Durante un conferencia di prensa na Peanuts Restaurant, tanta Lilly a splica cu nan a tene nan prome actividad, un ‘fun walk’ na November cu tabata un exito. Y asina nan a haci un fundraising pa nan siguiente actividad cu lo tuma lugar dia 7 di Januari, cu un parada di carnaval pa muchanan di Lillyputters, pero tambe pa otro mucha cu por kier participa.

Lillyputters kier a haci un invitacion na tur mucha, como tambe nan ex alumno y mayornan, pa bin participa den nan parada riba 7 di Januari. Segun tanta Lilly, su deseo mas grandi ta reuni ex alumno y mayornan despues di tur e añanan cu e muchanan tabata cerca dje na school. El a agrega cu e invitacion ta habri na otro schoolnan cu kier uni cu nan den e parada.

Mirando cu ta trata di un parada di carnaval, e ta invita tur 39 reina pa participa den e parada. Y si nan tin nan sjerp, pa trece esaki. Dia 27 di Januari, nan lo elegi nan di 40 reina di Lillyputters, na Renaissance Convencion Center.

- Advertisement -

DUNA COMENTARIO

Please enter your comment!
Please enter your name here