Home General Lionel Croes mustrando cu e re-alocacion di empleadonan ta perhudica e servicio...

Lionel Croes mustrando cu e re-alocacion di empleadonan ta perhudica e servicio den Serlimar

45
0
SHARE
- Advertisement -

ORANJESTAD(AAN): Ya pa algun dia caba tin diferente reaccion di entre otro di un grupo preocupa, mirando cierto desaroyonan y e cos a caba di haya un tiki mas forsa, ora cu ademas di e gruponan preocupa, cu ta mandando mensahenan afo, tin tambe un persona cu publicamente a dicidi di pone un publicacion tambe, pasobra e tambe ta preocupa cu cierto desaroyonan cu ta tumando luga den Serlimar.

Ta trata di Lionel “Rupi Rupi” Croes, kende ta cara di Serlimar. E no tin miedo di pone loke el a sinti, cu a sosode na Serlimar algun dia pasa riba cierto desaroyonan, despues di un bishita di entre otro un mandatario cu awo ta encarga cu Serlimar.

E ta conta cu en berdad despues di un atardi di trabao siman pasa diaranson, pasando pafo di su oficina, el a worde informa pa gerencia, cu e dia ey, lo ta e ultimo dia di e contratistanan cu ta trahando y formando parti di su departamento y esaki den oficina, a combersa cu gerencia, esta e director suplente y a mustre cu esaki lo por tin consecuencianan pa e calidad di servicio.

A pidie tambe, den calidad como waarnemend manager di e departamento di benta y como tambe cu ta manehando e parti di servicio di huur, scheduling, e bakinan di 20 y 30 yarda, etc., a puntr’e si por a tuma contacto cu minister y pa inform’e riba e decision aki, si e por a duna un tempo di un siman of un paar di dia, pa logisticamente, pa por planifica e trabaonan, reservacionnan cu tin e dia siguiente, e dia prome caba, of hasta siman anterior caba, cu por bay duna e servicio toch. Pa e dienst no sali perhudica.

Den cuadro di esaki, a puntra e hefe interino, pero no sa si a haci tal. No ta para pa culpa ningun minister, ni mandatario, ni gobierno, simplemente el a sali pa mustra su gratitud cu su post pa su trahadonan cu e tin cinco aña trahando cu nan. Den su opinion, bon trahado, cu a bati cabes hunto y cu hechos a mustra tambe, motibo cu tabata tin scarsedad di trahado, a yega na una cuerdo cu por a fianan un rato di e contract cu nan tin y pa nan por a eherce nan trabao na Serlimar.

Den e cuadro di esey, tabata un preocupacion y logicamente cu traha cu algun trahado pa cinco aña, ta custuma cu nan y den un dia abruptamente nan a worde manda riba nan contract, comostraatveger, logicamente esaki ta haci dolor, pasobra b’a custuma. No obstante cu decisionnan por cay y nan tin di bay haci nan trabao.

Locual cu tambe ta e forma cu sigur cu a hala atencion di Croes, ta cu e preocupacion despues cu a inverti asina hopi placa den e imagen di Serlimar promoviendo producto y servicio, esaki por a conduci cu decision asina por a perhudica e dienst. Den cuadro di esey no tabata tin e planning ainda pa haci e parti eynan.

Sinembargo, riba su post por a scucha diferente reaccion. Hopi hende por a interpret’e na nan manera. Pero ningun hende no a perde trabao. Ta simplemente cu nan a worde aloca, segun nan contract ta stipula. Pero locual tabata fastioso ta cu no tabata prepara pa logisticamente, planifica pa e trabao por worde brinda, of e servicio por bay pa e siguiente dia. Esey ta loke ta e departamento di benta.

E otro departamentonan si a keda intacto. Esey ta e parti eynan cu siguramente ta e mensahe cu kier a hiba di e departamento. Tin di compronde cu tin un grupo berdad cu ta preocupa. Croes a splica cu e no a forma parti di nan reunionnan. E sa si cu ta un grupo bastante grandi cu ta preocupa y cu ta mandando mensahe eyfo, riba social media of prensa, cu ta informa riba nan preocupacion.

En todo caso, e preocupacion cu tabata tin mas tanto tabata internamente e dienst pa worde perhudica den e departamento di Croes. Esey ta parti cu kier a clarifica. Mas cu claro tambe riba expresionnan. Ta scucha diferente expresion riba medionan di comunicacion. Prensa y tambe ta haya tambe cu hopi biaha, hopi hende ta saca cosnan for di contexto y ta hib’e pa nan afan politicamente. Tambe ta haya miembro di sindicato, un presidente ta duna expresionnan descabeya awe.

Kico lo bay haci

Segun Croes, actualmente no tin hende nobo. Ta un grupo chikito di nuebe trahado, cu a bay nan posicion back. Awor aki a haya si for di un otro departamento, cu a aloca pa nan dos trahado y tin e ora ey e parti di sales, cu a aloca back. Awor aki ta trahando un grupo chikito, pero ta haci un procedura nobo, nan cu nan y a informa gerencia tambe, con nan ta bay funciona den e temporada aki.

Mirando cu ta yegando e parti final tambe, pasobra ta trahando te cu dia 22 di December y cu por maneha esaki te asina leu. Lamentablemente si tin cu bisa cu e servicio di 1100 liter, mester a pone un paro na dje un rato. A papia cu director y a bisa cu lo bay busca un solucion pa por tin un driver. Mester tin hende capacita pa por core e trucknan aki. Esey ta en espera di dje.

 

- Advertisement -

DUNA COMENTARIO

Please enter your comment!
Please enter your name here