Home Parlamento Lo ta bon idea pa Aruba, Corsow y Boneiro un dia ofrece...

Lo ta bon idea pa Aruba, Corsow y Boneiro un dia ofrece un pakete total na e turistanan

17
0
SHARE
- Advertisement -

Setty Christiaans

ORANJESTAD  (AAN): Parlamentario di MEP Setty Christiaans ta contento cu e hecho cu Aruba Airlines a inaugura su vuelo pa Boneiro cu conexion tambe cu Corsow.

“Sigur esaki ta di felicita y aplaudi, pasobra nos por ripara cu turismo e aña aki sigur ta sufriendo su caidanan”.

“Por ehempel, di Januari te cu October e cantidad di turista cu a bishita nos isla a baha cu 5%”.

“Na Corsow esaki a cay cu 24%, mientras cu pa Boneiro esaki ta 18%”.

Esaki segun Christiaans, kende a sigui bisa cu pesey iniciativanan asina pa reanuda vuelonan pa Boneiro y Corsow ta sumamente importante, no solamente pa Aruba logra bek un resultado positivo den e cantidad di turista, pero tambe ta importante pa nos diversifica.

“Un dia nos como islanan chikito, esta Aruba, Corsow y Boneiro por ehempel, mester uni bek pa asina nos por ofrece un producto diversifica”.

“Nos mester realiza cu Aruba tin su cosnan pa ofrece, Corsow tin di dje y Boneiro tambe”.

“Pesey probablemente nos mester complementa otro y yega na iniciativanan un dia, unda cu nos por ofrece un pakete total y hasi esaki por medio di hubnan por ehempel, cu Aruba Airlines ta ofrece actualmente”, segun e parlamentario.

 

 

- Advertisement -

DUNA COMENTARIO

Please enter your comment!
Please enter your name here