Home Salud Maltrato di mucha tin consecuencianan na largo Plazo

Maltrato di mucha tin consecuencianan na largo Plazo

24
0
SHARE
- Advertisement -

Sesenta pais cu lema: Cariño SI, Maltrato NO!

ORANJESTAD (AAN)— Matutino DIARIO ta sigui cu e articulonan relaciona cu maltrato di mucha publica pa Organizacion Mundial di Salud, recientemente, unda a trece dilanti cu ya caba 60 pais, varios di nan di nos mes region (America Latina y Caribe), a cera cabes cu un campaña cu tin como lema: “Cariño SI, Maltrato NO”.

Esaki tambe den e contexto di “dos historia cu cara di mucha cu Aruba no mag lubida” cu nos tur dia ta recorda: e morto cruel di e chikitonan ruman di fam Anastasia.

OMS ta indica cu maltrato di mucha ta un causa di sufrimento pa nan, y pa nan famianan, cu generalmente tin consecuencianan na largo plazo. Maltrato di mucha ta causa stress, clinicamente e ta asocia na trastornonan di e desaroyo cerebral durante e infancia.

E casonan extremo manera maltrato sistematico (loke a sosode cu e dos angelitonan sin cu nan por a haya ayudo) por altera e sistema nervioso y immune. Como consecuencia, e adultonan cu a sufri maltrato durante cu nan tabata mucha, ta core mas riesgo di sufri di problemanan di comportacion, fisico y mental.

Por ehemplo:

  • Actonan di violencia (manera bira victima of victimario)
  • Depresion profundo
  • Consumo excesivo di cigaria y alcohol y droga
  • Obesidad
  • Comportacion sexual di riesgo halto
  • Embarazo no desea

Atravez di e consecuencianan di conducta aki y nan salud mental, e maltrato por contribui na malesanan di curazon, cancer, suicidio y infeccionnan di transmision sexual.

Mas leu di e consecuencianan sanitario y social, e maltrato di mucha tin un impacto economico grandi cual ta abarca costonan di hospitalizacion, tratamentonan debi na salud mental, servicionan social pa e infancia y costonan di salud na largo plazo.

Nos lo sigui informa tocante e rapport aki cu ohala lo sirbi pa concientiza nos comunidad henter riba e problema serio cu maltrato di mucha ta nifica pa e ser humano como individuo, pa e famianan mes, y pa henter un comunidad. E slogan “ta tuma un comunidad pa lanta un mucha” no mester perde vigencia nunca, y e lema: “Cariño Si, maltrato NO” mester bira un habito den cada hogar unda tin mucha y den henter nos pueblo.

 

- Advertisement -

DUNA COMENTARIO

Please enter your comment!
Please enter your name here