Home Gobierno “Manera traspaso di gobernacion a bay no ta recomenda na bo peor...

“Manera traspaso di gobernacion a bay no ta recomenda na bo peor enemigo”

170
0
SHARE
- Advertisement -

Minister Presidente mr. Evelyn Wever-Croes:

ORANJESTAD (AAN) – Prome Minister sra. mr. Evelyn Wever-Croes a referi den conferencia di prensa na e traspaso di gobernacion, y con esaki a bay. DIARIO a referi na esaki den un prome articulo.

E dignatario a amplia bisando cu nan ta hayando documentonan na stapelnan grandi y e ta pidi un poco pasenshi.

Nan ta revisando nan aki cuminzando den fin di siman, unda nan a pasa den mil documento pa asina por trece nan na Ministerraad pa nan por tuma decision.

E dignatario a subraya cu tin tambe un plan di emergencia riba tereno di finanza, sin cu nan mester causa mas dolor na e comunidad.

“Na fin di dia, e plan di emergencia mas grandi ta pone e ser humano central, apesar di tur esaki. Y esaki danki na esfuerzonan grandi di coleganan minister cu nos ta logrando esaki. Nos ta enfocando riba loke ta trata e tema social, esnan cu tin mester di mas sosten, cu ta mas vulnerable den nos comunidad, ta haya e sosten cu nan mester, y oportunidadnan di labor pa nos yiunan di tera”, e dignatario a subraya.

Pa locual ta regarda seguridad pa nos pais, Minister di Husticia tambe ta trahando riba su plan di emergencia riba su tereno y tambe Minister di Salubridad encuanto e tema di cuido di salud. Minister di Enseñanza tin hopi atencion riba su tereno y asina cada Minister ta trahando riba su plannan di emergencia, Prome Minister a reitera.

Minister Presidente a duna di conoce cu e manera con traspaso di gobernacion a bay, e ta algo no ta recomenda ni na un peor enemigo.

“Nos ta trahando riba dje y awor nos ta cla pa sali y goberna e pais aki manera cu pueblo a pidi”, Minister Presidente a conclui e tema aki.

 

- Advertisement -

DUNA COMENTARIO

Please enter your comment!
Please enter your name here