Home Economia Mester crea na centro di San Nicolas e mesun incentivonan cu tin...

Mester crea na centro di San Nicolas e mesun incentivonan cu tin na Oranjestad

119
0
SHARE
- Advertisement -

Segun presidente di KvK Ernst Mohamed:

ORANJESTAD (AAN) – Segun Presidente di KvK sr. Ernst Mohamed, eigenlijk tin incentivonan pa bay den e zona (downtown) na San Nicolas, trece e mesun incentivonan cu tin na Oranjestad.

“Pero asina mes ta wak cu ni un hende no kier bay pariba. E motibo ta cu pa tin un negoshi, mester tin cash flow, mester tin hende. Na San Nicolas mester crea un ambiente unda tur hende ta bay pa haci compras, unda tur hende ta bay pa gasta placa, y esey no tin ainda. Tur hende ta wardando ariba refineria”, segun presidente di KvK.

E funcionario tin entendi, atrobe, cu tin un all inclusive di 1000 camber na San Nicolas, cual Camara di Comercio ta exceptico riba dje. Hendenan cu ta bin all inclusive no ta hendenan cu ta shop riba e isla. Mester tin un desaroyo mas fructifero di San Nicolas florece.

Tambe KvK ta pidi e Minister di Asuntonan Economico pa investiga esaki, pa hende bay hinca placa den dje. Awo ta mirando cu inversionnan ta tumando luga na South Beach, tur hende ta loco pa haya un tereno dilanti di hotelnan. Eynan ta haya tur e bida, y esaki mester trece pa Caya Grandi.

Esaki lo por si gobierno ta otorga algun Arubano permiso pa traha boutique hotelnan chikito den Centro of banda di e centro di ciudad, pa e banconan tambe duna un tiki aporte na entrepreneurnan cu ta bin cu bon plan comercial, pa lanta un negoshi den e area, e ora bo ta haya mas inversion, mas bida, pa trek mas hende, segun Sr. Ernst Mohamed, di Camara di Comercio y Industria di Aruba.

 

- Advertisement -

DUNA COMENTARIO

Please enter your comment!
Please enter your name here