Home Impuesto Mester tin siguridad presente tur dia caminda cen ta lora

Mester tin siguridad presente tur dia caminda cen ta lora

21
0
SHARE
- Advertisement -

Luenne Gomez-Pieters di Impuesto:

ORANJESTAD(AAN): Por a tuma nota di algun keho y e clientenan di Departamento di Impuesto cu tabata para den rijnan largo pafo y hasta tabata tey den solo cayente, kehando cu Departamento di Impuesto no ta habri na ora.

Directora di Departamento di Impuesto, Luenne Gomez-Pieters ta conta cu un incidente a sosode, caminda cu mester a habri 1’or y 15 y e portanan a habri te 1’or y mey. Gomez-Pieters a splica cu tin exigencianan cu mester habri.

Mester tin siguridad presente. Esey ta conta pa cliente y tambe trahadornan di Departamento di Impuesto. Actualmente ta hayando servicio di Cuerpo Especial di Aruba, CEA, caminda cu por haci uo di nan servicionan pa loke ta siguridad. Si e security no tey, Departamento di Impuesto no por habri e portanan.

Ta un punto di atencion. A yega di papia esaki varios biaha cu e hefenan encarga cu e departamento aki. Por ta lo ta algo cu lo mester por escala cerca minister Bikker, pa por mira con lo por structura esaki di un manera un tiki mas miho den futuro, caminda cu e departamentonan cu ta vital pa Gobierno y ta caminda cu tin cen ta lora, mester tin siguridad presente tur dia na e momentonan cu ta wordo spera pa asina por brinda tambe, no solamente siguridad pa e cliente, pero pa e trahadornan tambe.

Tanten cu ti e posibilidad pa e clientenan paga cu cash, mester atende cu esaki y ora cu ta temporadanan un tiki mas druk, den pasado a haci uzo te hasta di extra bewaking di polis. Ora cu ta temporadanan cu ta mira cu tin mester extra siguridad riba pia, ta haci un apelacion tambe riba KPA pa esaki.

Di berdad ta lamentabel loke a sosode pasobra e clientenan mester por conta cu e oranan di habri. Si ta habri 7’or y 45 ta cuminsa duna servicio, ta e ora ey, no 8’or of 8’or y mey. Y si bisa cu ta habri 1’or y 15, tin cu habri e ora aki.

Hopi biaha ta tende cu clientenan ta tuma liber of oranan liber di nan trabao pa bin haci cierto transaccionnan, yena formulario of entrega stukken y ta trece frustraccion cerca e cliente, cu ta tuma su dia of algun ora di vakantie y ta yega eynan, para den rij y no ta cumpli cu e orarionan di trabao manera mester ta.

Ta algo cu Departamento di Impuesto kier sinta na mesa un biaha mas cu e hefenan di CEA of eventualmente cu Minister Bikker pa mira con por structura esaki den un manera hopi mas miho, caminda cu diensten cu ta vital, cu un di nan ta e Departamento di Impuesto, por conta riba e presencia di siguridad di un manera structura y segun e orarionan di trabao cu ta stipula.

 

 

- Advertisement -

DUNA COMENTARIO

Please enter your comment!
Please enter your name here