Home Parlamento Mester traha un plan di maneho, cu lo duna su frutonan riba...

Mester traha un plan di maneho, cu lo duna su frutonan riba termino largo

113
0
SHARE
- Advertisement -

Sue-Ann Ras di MEP:

ORANJESTAD(AAN): Como un persona cu a traha como maestra di school durante mas 15 aña, parlamentario Sue-Ann Ras a indica cu aña aden aña afo tabata obvio cu tabata tin mester di ayudo pa hopi mucha, pa loke ta e parti psicologico y social, cu ta asina necesario awendia pa tur e problemanan cu e docentenan ta enfrenta.

Esaki el a bisa durante di un conferencia di prensa di partido MEP Diaranzon mainta.

“Si mi wak aworaki cu tin 60 caso di abuso di mucha pega na Ministerio Publico, eynan tin un señal hopi alarmante”.

“Ta trata di 60 caso mas, di cual nos no sa con grave nan ta, pues nos no sa den ki posibel peliger e muchanan aki ta bibando”.

“Eynan nos mester cuminza di biaha pa wak kico nos por hasi cu e 60 casonan aki”, segun e parlamentario.

El a sigui bisa comunidad sigur ta den shock pa loke ta e caso hopi lamentable di morto di dos mucha di 3 y 5 aña y mester bin cu solucionnan duradero riba termino largo.

“Ora cu un mucha bay school basico, ta dura 6 aña pa e caba, pues ta dura 6 aña di tempo pa bo wak e fruto di locual cu bo ta hasiendo cu e mucha”.

“E no ta un proyecto cu ta caba den 6 luna of den 1 aña y ta visible di biaha”.

“Nos mes como comunidad ta lubida riba esaki, pasobra nos kier wak cosnan di biaha cu nos por mira cu nos wowonan”.

Esaki segun Ras, kende a sigui bisa cu ora cu MEP ta papia di e hecho cu e hende mester ta central, esaki ta bay tuma su tempo, pero e intencion ta pa traha duro riba esaki.

E parlamentario a indica cu directora di Departamento di Asuntonan Social 3 aña pasa a traha full un plan di maneho di varios aña, pero pa un motibo of otro a keda den lachi y ningun hende no kier a hasi nada cune.

“Nos tin cu traha mas riba maneho, pero maneho cu ta duna resultado riba termino largo”, segun Ras.

 

 

- Advertisement -

DUNA COMENTARIO

Please enter your comment!
Please enter your name here