Home Social Miembrecia ta gratis na Famia Planea pa esnan di 21 aña of...

Miembrecia ta gratis na Famia Planea pa esnan di 21 aña of menos

54
0
SHARE
- Advertisement -

ORANJESTAD(AAN): Famia Planea ta traha cu miembrecia di aña y tambe pa hoben te cu 21 aña, cual ta completamente gratis cu bo carchi di AZV. Una bes bo tin 21 aña bay ariba, bo ta paga un contribucion anual hopi chikito.

Esaki ta trece cun’e, ta focus hopi biaha riba hoben, pasobra una bes cu gara e hoben, cu e ta miembro, Famia Planea ta mira esey pa añanan. Nan a caba di cumpli 47 aña y ta keda miembro pa bida largo. Una bes cu gara e hoben ey, e ta keda miembro cerca nan. Pesey ta enfoca hopi riba e hoben.

Tin miembronan adulto y tin adultonan cu ta bisa cu no a tende di nan, ta haci e switch, bay cerca nan. Tin adulto tambe cu ta miembro cerca Famia Planea, pero e enfoke principal ta keda e hoben. Ta keda pa informa nan, pa brinda nan e guia. Hopi biaha e hoben ta pasa den situacionnan cu e mester di mas informacion.

E no ta haya suficiente informacion na cas y tin ora ta haya e informacion robes tambe via social media. Famia Planea tey via nan pagina di facebook, via scol, tur manera Famia Planea ta purba di ta accesibel pa e hoben ora cu ta e momento adecua cu e ta sinti cu e tin mester, pa FFP ta en realidad ta para na su banda pa purba gui’e miho cu ta posibel den e proceso aki.

Den e proceso cu nos tur ta pasa door di dje, e proceso di siña conoce bo curpa, siña proteha bo mes, ki ora bo ta cla y ki ora bo no ta cla. Hopi biaha ta haya e situacionnan cu hobennan ta den haya complicacionnan hormonal. Tin asina hopi inkietud cerca e hoben, cu e ta un tema cu nan no ta open up hopi lihe cerca ken cu ta. FFP ta sumamente contento cu ta traha e bond via dokter, via scol, pero tambe e one on one cu e clientenan.

Nan ta sumamente satisfecho cu esey y naturalmente pa 2018 nan tin hopi mas plan den pipeline, unda cu por logra alcansa esunnan cu nan no ta alcansa ainda. Esunnan cu ainda ta tiki dificil y atrobe pa purba di informa. Door cu tur aña e muchanan di edad ta subi, nan ta shift di klas, ta bira mas grandi.

Cada biaha bo ta bezig ta deal cu un averahe di 7 mil hoben. Bo por bisa cu pa aña escolar, y nan tambe tin cu keda informa, keda shift, keda educa y keda wak kico ta e trend tambe cu ta andando.

Ora bo ta papia di e tema di sexualidad, e ta asina diverso con bo por informa y educa e hoben y pa bo keda actual tambe pa bo keda cu nan ta wak e importancia riba e tema y pa bo por keda grap nan atencion. Esey ta lo principal. Una bes bo perde nan atencion, naturalmente e ora ta haci mas dificil pa por logra yega na nan tambe manera debe ser.

 

 

- Advertisement -

DUNA COMENTARIO

Please enter your comment!
Please enter your name here