Home Gobierno Minister Andin Bikker mustrando cu maneho di ex minister riba permisonan no...

Minister Andin Bikker mustrando cu maneho di ex minister riba permisonan no tabata cumpli cu e proceso di bon gobernacion

293
0
SHARE
- Advertisement -

ORANJESTAD(AAN): Segun Minister Bikker, tin un maneho awor aki cu ta pidi cierto rekisitonan ora di permiso di estadia, por ehempel, si ta un inversionista. Si cumpli cu e rekisitonan di inversionista, tur check box por duna un V den nan, por bin na remarca pa haya un permiso.

Tur e casonan cu den termino huridico un gebonden beschikking, pasobra ta bisa cu si cumpli 5 of 6 rekisitonan aki, e permiso lo ta positivo y lo haya e permiso, e ora e decision ta mara. Como instancia cu ta dicidi riba permisologia, bo tin pa duna e permiso. E ora den e caso aki, ta anticipando riba e maneho of e maneho ta, cu basicamente no tin motibo pa duda cu e persona cu ta aplicando riba e permisonan aki, si nan cumpli cu e rekisitonan, nan lo bin na remarca pa e permiso.

E ora no tin sentido pa bisa nan cu a tarda un tiki di e proceso door cu tabata tin cierto retrasonan di kinderziektes den e sistema cu yama Cirsa, e ora no ta make sense pa bisa cu kier pa biaha pa bay pafo, warda un rato y bin bek. Hopi di e personanan aki, ya por ta, ta den e proceso laboral. Nan presencia aki ta rekeri. Si nan ta inversionista nan tin derecho di ta aki.

Si nan ta personanan cu ta cuidando persona na cas, nan tin un necesidad cu nan ta cumpliendo cun’e den comunidad, pasobra hecho ta, cu pa haya un persona bin cuida un grandi of un persona conveleciente cu ta na cama, cu hopi biaha no ta haya localmente e persona cu por cumpli cu e trabaonan aki, e ora e maneho ta dicta cu probablemente e persona aki lo bin na remarca.

Tambe, bo tin un hecho cu door di retraso di aplicacion di prologacion di estadia turistico, cu hopi persona, no por bay bek den tempo. Nan ta akinan caba. Nan a extende estadia caba. No ta nan culpa tampoco cu no a wordo reacciona na tempo pa nan aplicacionnan. Esey tambe ta un umbrella. Un maneho ta di transicion. No ta kita e maneho aki pa acapara e casonan cu te awor aki logicamente no tin sentido pa bisa basicamente cu lo bay casi perhudica e personanan cu ta den un situacion asina.

Tin cu bisa tambe cu e proceso cu Minister Bikker a bisa desde cu el a asumi e responsabilidad aki, cu no ta bay mas den e proceso. E mandatario no tin pensa di sigui loke su predecesor tabata haci, cu personanan ta warda na bestuurskantoor y cada biaha ta subi cu un carta y e minister ta firma akkoord conform verzoek.

E maneho cu e tabata hiba, no tabata cumpli cu e proceso di bon gobernacion. Si tin sistemanan, procesonan cu ta perscribi pa ley y segun maneho, cu e ora no ta na un minister pa bay atende na casonan individual, personalmente override e dienstnan cu ta encarga cu e procesonan aki, cu tin un mandato pa loke ta trata decision riba admision y prolongacion.

Y e minister mes ta bay cada biaha akkoord conform verzoek. Bo ta crea un situacion di desigualdad, di incertidumbre, cu un persona si bin warda varios ora, cu e haya su permiso y un otro cu ta bay segun e proceos y e canalnan perscribi, e e ora tin un trato desigual, pasobra e, segun e maneho no ta bin na remarca pa loke e ta desea. Na final di dia, pais Aruba, nos ta un isla, tin 107 mil habitante.

Tin 1.8 miyon di bishitante. Un averahe den un luna, nos tin casi mesun hopi bishitante riba nos isla, cu nos tin habitante. Esey ta pone cu bo mester con cu bay bin, yama a un balansa di admision ordena pasobra na final di dia e isla no ta creciendo, nos infrastructura no ta creciendo, nos scolnan no ta birando mas hopi. Mester bin yega na un balansa loke por carga como isla y den e balansa eynan tin retonan hopi mas grandi tambe.

Pasobra e evaluacion ta bay haci pa e ley nobo di ley di admision nobo, e ta bay tene cuenta tambe, enbes di solamente cu e demanda, por ehempel e mercado laboral, si ta laga e persona si of no. Mester bay planifica. A yega informacionnan den e proceso di formacion pa loke ta trata e retonan cu como pais nos tin pa nos futuro, cu si no bin cu ley of un maneho cu ta ancra den ley pa loke ta trata admision di personanan y famianan cu pa 2030 pa 2035 nos sistema di seguro social lo por crash. Pasobra ta confrontando awor aki un vergrijzing, embehecimento.

E planificacion di famia e temponan aya, tabata tin famia di 8 ruman, 9 ruman. Awor aki 1 pa 2 yiu tin. Asina eynan tin un planificacion den su totalidad, cu tin cu bay tene cuenta cun’e y esey tin su base, specialmente den ley di admision. Den e ley nobo aki ta algo cu ta planificando riba dje, pa tene cuenta cu na un manera holistico, cu tur e retonan cu nos isla ta enfrentando, entre otro pa loke ta planificacion di futuro generacionnan.

 

- Advertisement -

DUNA COMENTARIO

Please enter your comment!
Please enter your name here