Home Gobierno Minister di Finanzas no ta garantiza cu gobierno lo no tuma medida

Minister di Finanzas no ta garantiza cu gobierno lo no tuma medida

372
0
SHARE
- Advertisement -

Mirando e desastre cu a keda atras:

ORANJESTAD (AAN) – Minister di Economia y Finanzas sra. Siomara Ruiz-Maduro, a sigui elabora riba e reto financiero dificil, cu e gobierno na mando tin su dilanti pa deal cune.

E mandatario a subraya cu Gabinete Eman 2 a bay lagando atras un situacion financiero caotico, caminda cu nan sa cu tin situacion financiero cu nan mes a crea pa e pais aki y na e momentonan aki, e gobierno actual mester deal cu e situacion, caminda cu Aruba lo haya un aanwijzing. Y lo pidi pa tuma medidanan.

“Durante eleccion a trece dilanti cu no lo bay tuma medida, cu na 2018 mester tin medida caba. E pueblo di Aruba mester haya sa e berdad prome. Kico ta e resultado di gabinete Mike Eman pa pueblo tin conocemento pa sa con mester bay dilanti. SI cosnan bay asina manera awo, 2019 ta caminda cu Aruba mester tuma cierto decisionnan pa keda manehable” e dignatario a duna di conoce.

Un cos ta sigur, segun e minister, gobierno no ta pro keda sinta man cruza. Esey tabata e pensamento di e gobierno anterior. Laga e cos aki pega y ban wak con e otronan ta resolve. Ta futuro di nos yiunan ta den wega akinan.

No ta pasobra e gobierno anterior a haci y deshaci, tin cu laga e cosnan bay pega cu kiermen cu e gobierno lo no drecha e situacion pa hacie manehable.

“Awo tin e normanan den dje, cu bo sa caba, cu e no ta bay logra nan pa 2017 ni 2018, pero mester bay negocia na bienestar di e pais aki, pero mas importante na bienestar di e pueblo aki. No por ta asina cu lo bay pone medidanan fuerte pa asina paga e daño cu gobierno di Mike Eman a haci. Na e momento aki si, e pueblo di Aruba lo haya sa kico e ta y esunnan cu tin cu wordo poni responsable, tin cu wordo poni responsable pa e daño cu a wordo haci, na nos pais. Sigur pa loke ta finanzanan publico e retonan ta grandi” e mandatario a conclui.

 

- Advertisement -

DUNA COMENTARIO

Please enter your comment!
Please enter your name here