Home Gobierno Minister Glenbert Croes tabata tin su prome audiencia cu Gobernador

Minister Glenbert Croes tabata tin su prome audiencia cu Gobernador

16
0
SHARE
- Advertisement -

A papia entre otro di un master plan contra abuso y violencia domestico

ORANJESTAD (AAN): Diamars atardi Glenbert Croes tabata tin su prome audiencia cu Gobernador den su funcion como Minister di Asuntonan Social y Labor.

Na su salida el a papia cu prensa y el a bisa cu el a informa Gobernador di diferente asunto, incluyendo e hecho cu Diamars mainta e departamentonan di Gobierno y e organizacionnan no gubernamental di e sector social a presenta e plan di emergencia, cu ta un plan integral  social pa bay combati e crisis social cu tin na Aruba.

“Tur e instancianan ta bay actua den un forma ordena, pa por cuminza resolve, alivia e crisis social den cual nos pais y pueblo ta encontra su mes, despues di entre otro e tristo caso di dos criaturanan cu a perde nan bida a tuma lugar”.

“Nos a aproba awe na un forma integral, implementacion di e plan di emergencia aki cu a wordo proponi na nos”.

Esaki segun e mandatario, kende a sigui bisa cu un di e puntonan central ta cu lo bin cu un meldcode, meldplicht y un meldpunt central”.

E Minister a sigui bisa cu e intencion ta pa na un manera sincroniza traha riba tur abuso cu wordo mira y señala.

Abuso di menor, di hende muher, di anciano etc.

“Nos mester interveni, actua y responde na tempo”.

“Mi a notifica e director di Sociale Zaken di e plan aki caba y nos como gobierno a compromete nos mes cu na un manera interministerial nos lo atende cu e problematica, esta cu tur e ministernan tin cu coordina e trabaonan  cu otro”.

Esaki segun Croes, kende a sigui bisa cu Diamars a wordo proponi tambe pa bin cu un ‘master plan’ di Reino, unda cu no solamente lo yuda otro y coopera otro, sino controla otro tambe den implementacion di politica y leynan cu ta pone nos actua contra e fenomeno grave di violencia den nos comunidad y den nos hogarnan.

Den conseho di minister a aproba e master plan, segun Croes, kende a papia di e temanan aki cu Gobernador Alfonso Boekhoudt.

Pa loke ta e criticanan cu comunidad a trece dilanti entre otro riba funcionamento di e diferente instancianan social, e minister a indica cu el a pidi nan tur pa basha abao riba locual no tabata funciona bon.

Sinembargo, Croes a splica cu awor ta mas importante pa wak pa dilanti y mehora tur cos, en bez di wak patras riba kico a bay malo.

Mester percura cu awor en adelante mehora e situacion social di nos pais, cu ta den un crisis social.

 

 

- Advertisement -

DUNA COMENTARIO

Please enter your comment!
Please enter your name here