Home Politica Minister O. Oduber mes a yuda restaura oficina di Gobierno na 2009

Minister O. Oduber mes a yuda restaura oficina di Gobierno na 2009

71
0
SHARE
- Advertisement -

Fraccion AVP

ORANJESTAD (AAN): Ex lider di partido MEP, sr Nelson Oduber tabatin uza un dicho politico den pasado cu ta bisa: “tin politico cu kier gaña muri pa mira kendenan ta bin na su entiero” y ta esaki nos a mira den ultimo dia, ora cu Minister Otmar Oduber a bin dilanti pa denuncia Gobierno di AVP, cu no  haci trabao di mantencion di e seccion bieu di edificio di gobierno for di 8 aña pasa.

Fraccion di AVP ta mustra cu e declaracion di e ex Minister di Gabinete Mike Eman, mester por sa miho cu esey, ya cu ta su persona mes a yuda traha duro hunto cu boluntarionan na 2009, pa drecha e edificio historico di Gobierno back, despues cu gobierno di su gobierno  actual, MEP a bandona esaki y tabata a punto di bende e edificio aki.

A sigui mustra cu ta e actual Minister O. Oduber aki a critica y cuestiona e forma con gobierno di MEP den pasado kier a bende e patrimonio di pueblo aki, y a plama e gobierno geel tur caminda rond di e isla.

Hunto cu boluntarionan Minister Oduber a traha duro pa drecha e edificio aki caminda gobierno di AVP a traha pa desaroyo y progreso di nos pais, pa sigur shete aña largo, prome cu e gabinete a muda pa e edificio di Cocolishi.

Minister O. tabata bon na altura di e maneho cu a worde hiba pa Gabinete Mike Eman, e plannan cu tabatin pa restauracion di e oficina di gobierno, cu mientras tanto a worde declara como monumento oficial y cu ta preveni cu den futuro gobierno MEP-POR lo por bende esaki sin mas.

Plannan di restauracion tabata bon conoci pa su persona kende a bay traha den Cocolishi sin nunca mira atras y pa colmo e tabatin dos oficina den un di e seccionnan cu si a worde restaura caba den e edificio bieu.

Su departamento di publicidad a traha pa Minister Oduber den un sector cu a worde restaura y drecha prome cu el a bandona gobierno di AVP y pa despues bay traha cu e mesun partido MEP cu a laga e edificio atras den un estado deplorabel y decai, caminda hasta O. Oduber mes a bin yuda verf, pone tapijt y duna un man na su reapertura na 2009.

E seccion cu Minister O. Oduber di gobierno di MEP awor a señala ta dos seccion cu ya no tabata worde uza y a muda tur e departamentonan sea pa e edificio di Cocolishi of otro luga sperando riba inicio di trabaonan di restauracion.

Ta den mesun seccion cu Minister O. Oduber a ilustra den su articulo  cu ta decai, su persona a tene cantidad di conferencia di prensa como Minister di Turismo di Gabinete Mike Eman II y si sigui su ponencia, anto su persona tin cu carga mesun responsabilidad pa loke e mes ta trece dilanti e comunicado di fraccion di AVP ta señala.

 

- Advertisement -

DUNA COMENTARIO

Please enter your comment!
Please enter your name here