Home Gobierno Minister Otmar Oduber kier pa tin transparencia den e departamento DIP

Minister Otmar Oduber kier pa tin transparencia den e departamento DIP

22
0
SHARE
- Advertisement -

ORANJESTAD (AAN): Minister encarga cu Infrastructura sr. Otmar Oduber a tene un reunion na Directie Infrastructuur en Planning (DIP) pa anuncia e miembronan nobo di e team di maneho di DIP.

E team di maneho anterior tabata consisti di 3 miembro di cual 1 di nan su contract a termina desde 31 di october, un di e miembronan no a presenta pa e ultimo dos añanan pa eherce e trabao y e unico cu tabata presente ainda ta señora Dammers.

Despues di varios reunion cu tabatin a presenta e team di maneho nobo cu lo ta encarga durante e proximo tres lunanan nos dilanti cu “doorlichting” completo di e departamento y tambe mira e  diferente procesonan cu ta tuma luga pa esakinan tuma luga na un forma mas efectivo y mas transparente cu ta posibel. E tres miembronan lo worde asisti pa personanan cu lo haci inventarisacion di e situacion den DIP.

“Locual cu a combersa cu e diferente hefenan di e diferente departamentonan di DIP tabata enfoca pa trece claridad pa nan tambe riba diferente situacion. Anteriormente tabatin hopi confusion y hopi cos tabata tuma luga pafo di e reglanan normal di DIP durante e añanan.

Ta sinti di parti di nan cu tin un entusiasmo cu porfin ta pone ‘orde op zaken’, pasobra pa nan tambe ta dificil pa traha den un situacion caminda cu bo no sa kico ta e regla y liña pa worde sigui.

Hopi di nan tabata bisa cu nan no por a duna informacion concreto di kico tabata tuma luga den DIP pasobra mayoria di decisionnan tabata worde tuma na oficina di Minister of door di personanan cu ta worde apunta pa Minister y cu hopi biaha no tabata sigui regla tampoco. Cual ta nifica e problemanan cu nos ta conoce awe, casonan den corte, opcionnan cu a worde duna, acuerdonan cu a worde cera entre otro.

Tur esakinan lo worde inventarisa, tin un paar di decision cu dentro di poco lo bay anuncia di parti di maneho di ‘huurgrond y opties’ cu tin, cu a mira cu no tabata bay bon y cu kier trece claridad riba esakinan, Minister Oduber a splica.

Pa conclui, e meta principal ta pa por trece transparencia y cu comunidad sa cu ora cu haci peticion pa un tereno comercial of vivienda, e sa cu tin un proceso cu ta worde encamina cu tin un manera husto cu un dia e lo por yega na remarke pa haya su tereno. Dentro di 3 luna mester tin un advies of rapport traha, pa di e forma aki bay over na un ‘open sollicitatie’ pa loke ta bira e director nobo pa e departamento aki di DIP.

 

- Advertisement -

DUNA COMENTARIO

Please enter your comment!
Please enter your name here