Home Gobierno Minister Presidente a reuni cu Gobernador y pone al tanto di e...

Minister Presidente a reuni cu Gobernador y pone al tanto di e situacion real di Aruba

171
0
SHARE
- Advertisement -

ORANJESTAD (AAN) – Diamars atardi Prome Minister mr. Evelyn Wever- Croes a bishita Gobernador sr. Alfonso Boekhoudt, manera ta usual.

E dignatario a informa señor Gobernador di e situacion di gobierno y e retonan mas grandi cu nan haya na cuminzamento di e gobernacion aki y di biaha el a bise cu gobierno tin un plan, un intencion, un idea y un vision con pa cana esaki.

Minister Wever-Croes a indica cu e plan aki ta pa tin un trayectoria con pa bin bek na e curso corecto, pasobra awor ta mustra cu e porcentahenan financiero no ta menciona den e ley di laft pa 2017 y pa 2018 gobierno no ta bay haal nan, pero el a bise ki tempo y con nan ta bay haal esaki mas leu posible.

E mandatario a splica cu loke gobierno kier yega na dje ta un trayectoria financiero den cual ta cumpli cu e obligacionnan cu nan tin, y na mesun momento traha espacio pa inversion.

Diamars gobierno a reuni cu tur e stakeholders riba tereno social, y nan a presenta un plan di emergencia. E plan di emergencia aki ta pa evita cu loke a sosode cu e dos angelitonan no pasa nunca mas y den e plan di emergencia aki tin gastonan envolvi.

Con ta bay cubri e gastonan aki ta loke nan a papia di dje y cu tambe gobierno mester di espacio financiero.

Resumiendo, e dignatario a trata cerca Gobernador e retonan mas grandi cu nan a topa cune durante inicio di e gabinete. Tambe a informe cu e lo tin awe un encuentro via tele conferencia cu Minister Presidente di Hulanda, sr. Rutte den cual lo trata algun tema y e lo informe riba e situacion real di Aruba.

E mandatario a reitera cu lo pidi Hulanda espacio relaciona cu locual ta e presion di mas grandi na e momentonan aki, cu ta e palabracionnan hinca den e ley di Caft.

E siguiente paso ta pidi placa. E dignatario a menciona cu si ta cera e aña aki cu cien miyon florin y por ta sigur cu e suma aki no por saca di nos pueblo di ningun manera. Gobierno a dicidi cu no ta bay bati na porta di pueblo, pero e tin cu bay fie y pa haci esaki mester tin e back up di Hulanda. Si por fia e placa aki localmente, no mester di Hulanda su aprobacion.

Prome Minister a subraya cu e ta spera un OK awe, for di e reunion cu Prome Minister Rutte.

Riba un pregunta di prensa, e mandatario a subraya cu e ex-gobernantenan cu ta bisa cu nan a cumpli cu e ley di Caft no sa di kico nan ta papia of no sa cu kico nan a cumpli, pasobra e gabinete nobo a ricibi dos carta di Caft. Esun prome ta relaciona cu e rapport di e tres cuartal 2017, cu a termina dia 30 di September. Esaki ta cay bao e constelacion di e gobierno anterior, y Caft ta duna un opinion devastador tocante e situacion financiero y ta bisa cu, cu tur probabilidad no ta bay logra. Gobierno ta hopi preocupa cu ambos carta. Tin dos siman di tempo pa contesta y prome mandatario a expresa cu gobierno no sa kico ta bay contesta.

E di dos carta ta basa riba loke Minister Bermudez a pidi Caft. E ex minister a pidi Caft, prome cu el a baha, na un forma inusual conseho riba e presupuesto supletorio di 2017. Esey nan a haya siman pasa y tin dos siman pa contesta. Caft ta bisa den e carta aki cu e presupuesto supletorio cu Minister Bermudez a traha no ta cumpli cu normanan. No a tene cuenta cu e entradanan kedando atras ni cu e gastonan ta aumentando. E dignatario a expresa cu nan no ta bay tira falta pasobra cu esaki no ta yuda cu nada, pero ta bay busca ayudo di Hulanda pa soluciona e problema.

 

 

- Advertisement -

DUNA COMENTARIO

Please enter your comment!
Please enter your name here