Home General Minister Ruiz-Maduro a haci entrega di certificado na cursistanan di verificateursopleiding

Minister Ruiz-Maduro a haci entrega di certificado na cursistanan di verificateursopleiding

55
0
SHARE
- Advertisement -

Durante un ceremonia na Universidad di Aruba:

ORANJESTAD  (AAN) – Diabierna ultimo a tuma luga na Universidad di Aruba entrega di certificado na 10 empleado di Cuerpo di Aduana cu a termina e curso di “Verificateursopleiding, verdiepingsdeel 1”.

Na e ceremonia a hiba palabra director  di Douane sr.  mr. R. L. Croes (Roderick Lionel),  sr. mr. N Quandus (Nicolaas), “Hoofd di e Verificateursopleiding” y den nomber di e cursistanan a hiba palabra Sra. Sharina Hernandez caminda den nan discurso cada uno a elabora riba e logro grandi aki, e experiencia y meta pa futuro.

Prome cu a entrega e certificado na e cursistanan, Minister di Finanzas, Economia y Cultura Sra. mr. Xiomara Ruiz-Maduro a hiba palabra caminda el a felicita y reconoce e esfuersonan  haci di parti di e 10 cursistanan y nan famia, muy especial e 8 cursistanan femenino pa nan excelente logro.

E preparacion aki sigur lo ta un contribucion grandi na e calidad di servicio di aduana na su clientenan. Awo lo sigui cu e seguiente fase di e curso di “Verificateursopleiding, verdiepingsdeel 2”.

Minister Ruiz-Maduro a haci uzo di e oportunidad pa combersa personalmente y scucha e deseo di e cursistanan, como tambe motiva cada un pa sigui engrandece nan conocimiento y brinda un miho servicio na nos Pueblo.

- Advertisement -

DUNA COMENTARIO

Please enter your comment!
Please enter your name here